മസ്‍കത്ത്: ഒമാനില്‍ 641  പേര്‍ക്ക് കൂടി കൊവിഡ് വൈറസ് ബാധ സ്ഥിരീകരിച്ചു. ഇതിനോടകം 1,10,594 പേര്‍ക്കാണ് രാജ്യത്ത് കൊവിഡ്  രോഗം സ്ഥിരീകരിക്കപ്പെട്ടിട്ടുള്ളത്. കഴിഞ്ഞ 24 മണിക്കൂറിനുള്ളില്‍ 776 പേര്‍ക്ക് രോഗം ഭേദമായി. ഇവരുള്‍പ്പെടെ 9,64,00 പേരാണ് ഇതുവരെ രോഗമുക്തി നേടിയത്. 87.1 ശതമാനമാണ്  ഇപ്പോള്‍ രാജ്യത്തെ രോഗമുക്തി നിരക്ക്.

അതേസമയം പതിമൂന്ന് പേർ  കൂടി രാജ്യത്ത് കൊവിഡ് ബാധിച്ച് മരണപ്പെട്ടതായി ഒമാന്‍ ആരോഗ്യ മന്ത്രാലയത്തിന്റെ അറിയിപ്പിൽ പറയുന്നു. ഇതോടെ ആകെ 1114 പേര്‍ കൊവിഡ് മൂലം മരണപെട്ടു. 504 പേരാണ് നിലവില്‍ വിവിധ ആശുപത്രികളില്‍ ചികിത്സയിലുള്ളത്. ഇതില്‍ 201 പേര്‍ തീവ്രപരിചരണ വിഭാഗത്തിലാണ്. കഴിഞ്ഞ  24   മണിക്കൂറിനുള്ളിൽ 50 കൊവിഡ് രോഗികളെ രാജ്യത്തെ വിവിധ ആശുപത്രികളില്‍ പ്രവേശിപ്പിച്ചു.