യെമനില് തടവില് കഴിഞ്ഞ മലയാളികളടക്കം 14 ഇന്ത്യക്കാര്ക്ക് മോചനം
കഴിഞ്ഞ 9 മാസമായി ഇവര് യെമനിലെ സനയില് തടവില് കഴിയുകയായിരുന്നു
മസ്കറ്റ്: ഒമാന് സര്ക്കാരിന്റെ നിരന്തരമായ ഇടപെടല് മൂലം യെമനില് തടവിലാക്കപ്പെട്ട 14 ഇന്ത്യക്കാര്ക്ക് മോചനം ലഭിച്ചു. തമിഴ്നാട്, കേരളം, മഹാരാഷ്ട്ര, ഉത്തര്പ്രദേശ്, പശ്ചിമ ബംഗാള് എന്നീ സംസ്ഥാനങ്ങളില് നിന്നുള്ളവരാണ് ഈ പതിനാല് പേര്. ഒമാന് അധികൃതരുടെ ശ്രമങ്ങളെ അഭിനന്ദിച്ചു കൊണ്ട് മസ്കറ്റ് ഇന്ത്യന് എംബസി ഇന്ന് ട്വിറ്റര് സന്ദേശവും പുറത്തിറക്കിയിട്ടുണ്ട്. കഴിഞ്ഞ 9 മാസമായി ഇവര് യെമനിലെ സനയില് തടവില് കഴിയുകയായിരുന്നു.