പിടിയിലാവുന്നവരെ തുടര് നടപടികള്ക്കായി പബ്ലിക് പ്രോസിക്യൂഷന് കൈമാറുകയാണ് ആഭ്യന്തര മന്ത്രാലയം അധികൃതര് ചെയ്യുന്നത്.
ദോഹ: ഖത്തറില് കൊവിഡ് നിയന്ത്രണങ്ങള് ലംഘിക്കുന്നവര്ക്കെതിരായ നടപടികള് ശക്തമാക്കി ആഭ്യന്തര മന്ത്രാലയം. നിയമലംഘനങ്ങളുടെ പേരില് കഴിഞ്ഞ ദിവസം 170 പേര്ക്കെതിരെയാണ് നടപടിയെടുത്തതെന്ന് അധികൃതര് അറിയിച്ചു. ഇവരില് 161 പേരും പൊതുസ്ഥലത്ത് മാസ്ക് ധരിക്കാത്തതിനാണ് പിടിയിലായത്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
സുരക്ഷിതമായ സമൂഹിക അകലം പാലിക്കാത്തതിന് കഴിഞ്ഞ ദിവസം ഒന്പത് പേര് നടപടി നേരിട്ടു. പിടിയിലാവുന്നവരെ തുടര് നടപടികള്ക്കായി പബ്ലിക് പ്രോസിക്യൂഷന് കൈമാറുകയാണ് ആഭ്യന്തര മന്ത്രാലയം അധികൃതര് ചെയ്യുന്നത്. ഇതുവരെ ഇത്തരത്തില് ആയിരക്കണക്കിന് പേര്ക്കെതിരെ നിയമലംഘനങ്ങള്ക്ക് നടപടി സ്വീകരിച്ച് കഴിഞ്ഞിട്ടുണ്ട്.
