കൊവിഡ് നിയമലംഘനം; ഖത്തറില് 387 പേര് കൂടി പിടിയില്
രാജ്യത്ത് പുറത്തിറങ്ങുമ്പോള് മാസ്ക് ധരിക്കണമെന്നത് നിര്ബന്ധമാണ്. കൊവിഡ് പ്രതിരോധ നടപടികളുടെ ഭാഗമായി കാറില് ഒരു കുടുംബത്തില് നിന്നുള്ളവരൊഴികെ നാലുപേരില് കൂടുതല് യാത്ര ചെയ്യരുതെന്നും നിര്ദ്ദേശമുണ്ട്.
ദോഹ: ഖത്തറില് കൊവിഡ് മുന്കരുതല് നിര്ദ്ദേശങ്ങള് ലംഘിച്ച 387 പേര്ക്കെതിരെ പൊലീസ് നടപടിയെടുത്തു. വിവിധ നിയമലംഘനങ്ങള് കണ്ടെത്തിയതിനെ തുടര്ന്ന് ചൊവ്വാഴ്ചയാണ് ഇവര് പിടിയിലായത്. പുറത്തിറങ്ങുമ്പോള് മാസ്ക് ധരിക്കാത്തതിനാണ് 347 പേരെ പിടികൂടിയത്.
സാമൂഹിക അകലം പാലിക്കാത്തതിന് 26 പേര് പിടിയിലായി. മൊബൈലില് ഇഹ്തിറാസ് ആപ്പ് ഡൗണ്ലോഡ് ചെയ്യാത്തതിന് ഒരാളെയും കാറില് അനുവദനീയമായതില് കൂടുതല് പേരെ കയറ്റി യാത്ര ചെയ്തതിന് രണ്ടുപേരെയും പിടികൂടി. അടച്ചിട്ട സ്ഥലങ്ങളില് ഒത്തുകൂടിയതിന് 10 പേരും ഹോം ക്വാറന്റീന് ലംഘിച്ചതിന് ഒരാളും പിടിയിലായി. ഇവരെ പബ്ലിക് പ്രോസിക്യൂഷന് കൈമാറി.
രാജ്യത്ത് പുറത്തിറങ്ങുമ്പോള് മാസ്ക് ധരിക്കണമെന്നത് നിര്ബന്ധമാണ്. കൊവിഡ് പ്രതിരോധ നടപടികളുടെ ഭാഗമായി കാറില് ഒരു കുടുംബത്തില് നിന്നുള്ളവരൊഴികെ നാലുപേരില് കൂടുതല് യാത്ര ചെയ്യരുതെന്നും നിര്ദ്ദേശമുണ്ട്. മാസ്ക് ധരിക്കാത്തതുമായി ബന്ധപ്പെട്ട നിയമലംഘനങ്ങള്ക്ക് സാംക്രമിക രോഗങ്ങള് തടയുന്നതിനുള്ള 1990ലെ 17-ാം നമ്പര് ഉത്തരവ് പ്രകാരമാണ് നടപടിയെടുക്കുക.