കൊവിഡ് കാലത്ത് ഗള്ഫില് നിന്ന് മടങ്ങിയെത്തിയത് 4.23 ലക്ഷം ഇന്ത്യക്കാര്
ആകെ 4,23,559 ഇന്ത്യക്കാരാണ് തിരിച്ചെത്തിയത്. ഇവരില് 1,52,126 പേര് യുഇഎയില് നിന്നും 1,18,064 പേര് സൗദി അറേബ്യയില് നിന്നും 51,206 പേര് കുവൈത്തില് നിന്നും 46,003 പേര് ഒമാനില് നിന്നും 32,361 പേര് ഖത്തറില് നിന്നുമാണ് തിരിച്ചെത്തിയത്.
ദില്ലി: കൊവിഡ് പ്രതിസന്ധിയുടെ കാലത്ത് ഗള്ഫില് നിന്ന് നാട്ടില് തിരിച്ചെത്തിയത് 4.23 ലക്ഷം ഇന്ത്യക്കാര്. 2020 ജൂണ് മുതല് 2021 ഡിസംബര് വരെയുള്ള കാലയളവിലെ കണക്കുകളാണിത്. ഇവരില് പകുതിയിലേറെയും യുഎഇ, സൗദി അറേബ്യ എന്നീ രാജ്യങ്ങളില് നിന്നുള്ളവരാണ്. രാജ്യസഭയില് എംപിമാരുടെ ചോദ്യത്തിന് ഉത്തരം നല്കുമ്പോള് വിദേശകാര്യ സഹമന്ത്രി വി മുരളീധരനാണ് ഇക്കാര്യം വ്യക്തമാക്കിയത്.
ആകെ 4,23,559 ഇന്ത്യക്കാരാണ് തിരിച്ചെത്തിയത്. ഇവരില് 1,52,126 പേര് യുഇഎയില് നിന്നും 1,18,064 പേര് സൗദി അറേബ്യയില് നിന്നും 51,206 പേര് കുവൈത്തില് നിന്നും 46,003 പേര് ഒമാനില് നിന്നും 32,361 പേര് ഖത്തറില് നിന്നുമാണ് തിരിച്ചെത്തിയത്. ജൂണ് 2020 മുതല് 2021 ഡിസംബര് വരെയുള്ള കാലയളവില് ബഹ്റൈന്, കുവൈത്ത്, ഒമാന്, ഖത്തര്, സൗദി അറേബ്യ, യുഎഇ എന്നീ രാജ്യങ്ങളിലേക്ക് 1,41,172 ഇന്ത്യക്കാര് തൊഴില് തേടി പോയതായും മന്ത്രി അറിയിച്ചു. ഖത്തറിലേക്കാണ് ഏറ്റവും കൂടുതല് പ്രവാസികള് മടങ്ങിയെത്തിയത്- 51,496 പേര്. യുഎഇയിലേക്ക് ഈ കാലയളവില് 13,567 പേര് മാത്രമാണ് തിരികെ എത്തിയത്.
ഗള്ഫില് വാഹനാപകടത്തില് മരിച്ച മലയാളികളുടെ കുടുംബത്തിന് നോര്ക്ക ഇന്ഷുറന്സ് തുക വിതരണം ചെയ്തു
ഗള്ഫ് കറന്സികളുടെ മൂല്യം സര്വകാല റെക്കോര്ഡില് തുടരുന്നു; പരമാവധി ഉപയോഗപ്പെടുത്താന് പ്രവാസികളുടെ തിരക്ക്
ദുബൈ: ഡോളറിനെതിരെ ഇന്ത്യന് രൂപ ചരിത്രത്തിലെ ഏറ്റവും വലിയ ഇടിവ് നേരിടുമ്പോള് ഗള്ഫ് കറന്സികളുടെ മൂല്യവും സര്വകാല റെക്കോര്ഡിലാണ്. കഴിഞ്ഞ ദിവസം ഡോളറിനെതിരെ 80 കടന്ന ഇന്ത്യന് രൂപ പിന്നീട് നില അല്പം മെച്ചപ്പെടുത്തിയിരുന്നു. വ്യാഴാഴ്ച 79.86 എന്ന നിലയിലാണ് വ്യാപാരം അവസാനിച്ചത്.
രൂപയുടെ വിലയിടിവ് പരമാവധി ഉപയോഗപ്പെടുത്താനുള്ള തിരക്കിലാണ് ഗള്ഫ് രാജ്യങ്ങളിലെ പ്രവാസികള്. വായ്പകള് അടച്ചുതീര്ക്കാനുള്ളവര്ക്കും വിവിധ വായ്പകളുടെ ഇ.എം.ഐ അടയ്ക്കാനുള്ളവര്ക്കുമൊക്കെയാണ് ഇപ്പോഴത്തെ സാഹചര്യം ഏറ്റവുമധികം ഗുണം ചെയ്യുന്നത്. ഇന്ത്യന് കറന്സിക്കൊപ്പം പാകിസ്ഥാന് കറന്സിയും വന് ഇടിവ് നേരിടുന്നതിനാല് ഗള്ഫില് നിന്ന് നാട്ടിലേക്ക് പണമയക്കുന്ന പാകിസ്ഥാനികളുടെ എണ്ണത്തിലും വര്ദ്ധനവുണ്ടായിട്ടുണ്ടെന്ന് പണമിടപാട് സ്ഥാപനങ്ങള് പറയുന്നു.
ഡോളറിന്റെ മൂല്യം ഉയരുന്നതും രാജ്യത്തെ വ്യാപാരക്കമ്മിയുമാണ് രൂപയുടെ മൂല്യത്തെ തളർത്തുന്നതെന്ന് സാമ്പത്തിക വിദഗ്ധര് പറയുന്നു. വിദേശ നിക്ഷേപം വലിയ തോതിൽ പിൻവലിഞ്ഞതും രൂപയെ കുറച്ചുകാലമായി സമ്മർദ്ദത്തിലാക്കുന്നു. ഈ വർഷം യുഎസ് ഡോളറിനെതിരെ രൂപയുടെ മൂല്യം ഏകദേശം ഏഴ് ശതമാനത്തിലധികം ഇടിഞ്ഞു.
മധ്യാഹ്ന വിശ്രമം നിയമം ലംഘിച്ച 26 തൊഴിലാളികള് അറസ്റ്റില്
യുഎഇ ദിര്ഹത്തിന് ഇന്ന് 21.74 എന്ന നിലയിലായിരുന്നു വിനിമയ നിരക്ക്. നേരത്തെ ജനുവരിയില് യുഎഇ ദിര്ഹത്തിനെതിരെ 20.10 എന്ന നിലയില് നിന്ന് മേയ് മാസത്തില് 21 ആയി ഉയര്ന്നു. സൗദി റിയാലിന് 21.31 രൂപയും ഖത്തര് റിയാലിന് 21.96 രൂപയും കുവൈത്ത് ദിനാറിന് 259.57 രൂപയും ബഹ്റൈന് ദിനാറിന് 212.39 രൂപയും ഒമാനി റിയാലിന് 207.70 രൂപയമായിരുന്നു ഇന്നത്തെ നിരക്ക്. നല്ല വിനിമയ മൂല്യം ലഭിച്ചതോടെ നാട്ടിലേക്ക് പണമയക്കാനും വിവിധ എക്സ്ചേഞ്ച് സെന്ററുകളില് കഴിഞ്ഞ കുറേ ദിവസങ്ങളായി പൊതുവേ പ്രവാസികളുടെ തിരക്കേറിയിട്ടുണ്ട്.
വ്യക്തികള് അയക്കുന്ന പണത്തില് 11 ശതമാനത്തിലധികം വര്ദ്ധനവുണ്ടായിട്ടുണ്ടെന്ന് യുഎഇയിലെ ഒരു എക്സ്ചേഞ്ച് സ്ഥാപനം അറിയിച്ചു. കറന്സി മൂല്യത്തിലെ ഇടിവ് ഉപയോഗപ്പെടുത്തി ഇന്ത്യയിലേക്കും പാകിസ്ഥാനിലേക്കും പണമയക്കുന്നവരുടെ എണ്ണത്തില് ഉണ്ടായ വര്ദ്ധനവാണിത്. കഴിഞ്ഞ പാദ വര്ഷത്തെ അപേക്ഷിച്ച് ഇന്ത്യയിലേക്ക് അയക്കപ്പെടുന്ന പണത്തിന്റെ അളവില് 12.5 ശതമാനം വര്ദ്ധനവുണ്ടായെന്നും ഇവര് പറയുന്നു.