അമേരിക്കയിൽ ദമ്പതികളടക്കം മൂന്ന് മലയാളികൾ കൂടി മരിച്ചു, കൊവിഡെന്ന് സംശയം
അമേരിക്കയിൽ കൊവിഡ് സ്ഥിരീകരിച്ച കേസുകളുടെ എണ്ണം നാലര ലക്ഷം കടന്നു. ഇന്നലെ കൊവിഡ് ബാധിച്ച് പൊൻകുന്നം സ്വദേശി മരിച്ചിരുന്നു. ഇന്ന് മരിച്ചവർക്ക് കൊവിഡ് ഉണ്ടോ എന്ന് സ്ഥിരീകരിച്ചിട്ടില്ല.
വാഷിംഗ്ടൺ: അമേരിക്കയിൽ മൂന്ന് മലയാളികൾ കൂടി മരിച്ചു. ഇവർക്ക് കൊവിഡ് ബാധയുണ്ടെന്നാണ് സംശയം. പത്തനംതിട്ട സ്വദേശി ഇടത്തിൽ സാമുവൽ (83), അദ്ദേഹത്തിന്റെ ഭാര്യ മേഴ്സി സാമുവൽ, കോട്ടയം മണിമല സ്വദേശി ത്രേസ്യാമ്മ പൂങ്കുടി (71) എന്നിവരാണ് മരിച്ചത്. 12 മണിക്കൂറിന്റെ ഇടവേളകളിലാണ് സാമുവലും മേരി സാമുവലും മരിച്ചത്. കടുത്ത ന്യൂമോണിയ ബാധിച്ചാണ് ഇരുവരെയും ആശുപത്രിയിൽ പ്രവേശിപ്പിച്ചത്. ഇവർക്ക് കൊവിഡാണ് എന്ന് പിന്നീട് സംശയമുയർന്നു. എന്നാൽ ഇക്കാര്യത്തിൽ ഇതുവരെ സ്ഥിരീകരണം ലഭിച്ചിട്ടില്ല. പരിശോധനയ്ക്ക് അയച്ചിട്ടുണ്ടെന്നും, ഫലം വരുന്നത് വരെ കാത്തിരിക്കുമെന്നും ബന്ധുക്കൾ അറിയിച്ചു.
ഫലം ലഭിച്ചാലും ഇരുവരുടെയും മൃതദേഹങ്ങൾ നാട്ടിലേക്ക് കൊണ്ടുവരാനാകില്ല. ഇവരുടെ സംസ്കാരച്ചടങ്ങുകൾ അമേരിക്കയിൽ തന്നെ നടത്തുമെന്ന് ബന്ധുക്കൾ അറിയിച്ചു.
ഇന്നലെ അമേരിക്കയില് പൊന്കുന്നം സ്വദേശി കൊവിഡ് ബാധിച്ച് മരിച്ചിരുന്നു. ന്യൂയോര്ക്ക് പബ്ലിക് ലൈബ്രറിയിലെ മുന് ജീവനക്കാരനും റോക്ലാന്ഡ് കൗണ്ടി വാലി കോട്ടജിലെ താമസക്കാരനുമായ പടന്നമാക്കല് മാത്യു ജോസഫ് (78) ആണ് മരിച്ചത്. സംസ്കാരം ന്യൂയോര്ക്കില് നടത്തും.
കഴിഞ്ഞ അമ്പതുവര്ഷമായി അമേരിക്കയില് സ്ഥിരതാമസമാണ് മാത്യു ജോസഫ്. ഈരാറ്റുപേട്ട കൂട്ടക്കല്ല് വെട്ടത്ത് റോസക്കുട്ടിയാണ് ഭാര്യ.
തത്സമയവിവരങ്ങൾക്ക്:
- Covid 19
- Covid 19 Kerala
- Covid 19 India
- Covid 19 Pandemic
- Covid 19 Live Updates
- Covid 19 Lock Down
- Lock Down Kerala
- Lock Down India
- India Lock Down Updates
- കൊവിഡ് 19
- കൊവിഡ് 19 കേരളം
- കൊവിഡ് 19 ഇന്ത്യ
- കൊവിഡ് 19 മഹാമാരി
- കൊവിഡ് 19 തത്സമയം
- കൊറോണവൈറസ്
- കൊവിഡ് 19 ലോക് ഡൗൺ
- ലോക്ക് ഡൗൺ കേരളം
- ലോക്ക് ഡൗൺ ഇന്ത്യ
- കൊറോണവൈറസ് തത്സമയം
- കൊറോണവൈറസ് വാർത്തകൾ