മള്‍ട്ടിപൊളിറ്റൻ പ്രസിദ്ധീകരിച്ച 2025 ലെ വെൽത്ത് റിപ്പോർട്ടിലാണ് നികുതി സൗഹൃദ നഗര സൂചികയിൽ ലോകത്തിലെ ഏറ്റവും നികുതി സൗഹൃദ നഗരങ്ങളിലൊന്നായി ദോഹ തിരഞ്ഞെടുക്കപ്പെട്ടത്. 

ദോഹ: ഈ വർഷത്തെ ലോക നികുതി സൗഹൃദ നഗര റാങ്കിംഗിൽ അഞ്ചാം സ്ഥാനം സ്വന്തമാക്കി ഖത്തറിന്റെ തലസ്ഥാന നഗരിയായ ദോഹ. മള്‍ട്ടിപൊളിറ്റൻ പ്രസിദ്ധീകരിച്ച 2025 ലെ വെൽത്ത് റിപ്പോർട്ടിലാണ് നികുതി സൗഹൃദ നഗര സൂചികയിൽ ലോകത്തിലെ ഏറ്റവും നികുതി സൗഹൃദ നഗരങ്ങളിലൊന്നായി ദോഹ തിരഞ്ഞെടുക്കപ്പെട്ടത്.

ഖ​ത്ത​റി​ൽ വ്യ​ക്തി​ഗ​ത വ​രു​മാ​ന നി​കു​തി​യി​ല്ലാ​ത്ത​തും സ്വത്ത് സംബന്ധിച്ച ഫീസുകൾ കുറഞ്ഞതും നി​ക്ഷേ​പ​ക​ർ​ക്കും താ​മ​സ​ക്കാ​ർ​ക്കും സം​ര​ക്ഷ​ണം ന​ൽ​കു​ന്ന സു​താ​ര്യ​മാ​യ നി​യ​മ​സം​വി​ധാ​ന​വും ലോ​ക​ത്തി​ലെ മി​ക​ച്ച നി​കു​തി സൗ​ഹൃ​ദ ന​ഗ​ര​ങ്ങ​ളി​ലൊ​ന്നാ​യി ദോ​ഹ​യെ അ​ട​യാ​ള​പ്പെ​ടു​ത്തു​ന്നു. മി​ക​ച്ച സാ​മ്പ​ത്തി​ക പ​ദ്ധ​തി​ക​ൾ, അ​ടി​സ്ഥാ​ന സൗ​ക​ര്യ​ങ്ങ​ൾ, സു​സ്ഥി​ര ഭ​ര​ണം എ​ന്നി​വ ​ദോ​ഹ​യു​ടെ റാ​ങ്കി​ങ് മി​ക​വി​ന് കാ​ര​ണ​മാ​യി.

ജി.​സി.​സി നഗരമായ അ​ബൂ​ദ​ബി​യാ​ണ് പ​ട്ടി​ക​യി​ൽ ഒ​ന്നാം സ്ഥാ​ന​ത്ത്. മറ്റ് ജി.​സി.​സി ന​ഗ​ര​ങ്ങ​ളാ​യ ദു​ബൈ (ര​ണ്ട്), മ​നാ​മ (നാ​ല്) എ​ന്നി​വ​യും ആ​ദ്യ അ​ഞ്ച് സ്ഥാനങ്ങളിലുണ്ട്. സിം​ഗ​പ്പൂ​രാ​ണ് പ​ട്ടി​ക​യി​ൽ മൂ​ന്നാം സ്ഥാ​ന​ത്ത്. കുവൈറ്റ് സിറ്റി (എട്ട്), റിയാദ് (12), മസ്‌കറ്റ് (17) എന്നിവ ഉള്‍പ്പെടെ ​ആ​ദ്യ​ത്തെ 20 നികുതി സൗഹൃദ നഗരങ്ങളില്‍ ഏഴെണ്ണം ജി.സി.സിയിലാണ്. നിക്ഷേപ സംരക്ഷണത്തിനും ആഗോള ധനസമാഹരണത്തിനും ഏറ്റവും അനുയോജ്യമായ പ്രദേശമായി ഗൾഫ് മേഖല മാറിക്കൊണ്ടിരിക്കുകയാണ്.

വ്യ​ക്തി​ഗ​ത വ​രു​മാ​ന നി​കു​തി, മൂ​ല​ധ​ന വ​ള​ർ​ച്ച, അ​ന​ന്ത​രാ​വ​കാ​ശം, സ്വത്ത് നി​കു​തി തു​ട​ങ്ങി​യ​വ അ​ടി​സ്ഥാ​ന​മാ​ക്കി​യാ​ണ് മ​ൾ​ട്ടി​പൊ​ളി​റ്റ​ൻ മി​ക​ച്ച നി​കു​തി സൗ​ഹൃ​ദ ന​ഗ​ര​ങ്ങ​ളുടെ സൂ​ചി​ക വി​ല​യി​രു​ത്തു​ന്ന​ത്. യാ​ത്ര ചെ​യ്യാ​നും താ​മ​സം മാ​റാ​നും ബി​സി​ന​സു​ക​ൾ തു​ട​ങ്ങാ​നും ആ​സ്തി​ക​ൾ കൈ​കാ​ര്യം ചെ​യ്യാ​നു​മു​ള്ള പ്ര​ക്രി​യ​ക​ൾ ല​ളി​ത​മാ​ക്കു​ന്ന ഒ​രു ആ​ഗോ​ള മൈ​ഗ്രേ​ഷ​ൻ പ്ലാ​റ്റ്‌​ഫോ​മാ​ണ് മ​ൾ​ട്ടി​പൊ​ളി​റ്റ​ൻ.