റീട്ടെയില്, ടെക്സ്റ്റൈല്, ഇലക്ട്രോണിക് സ്റ്റോറുകള്, റസ്റ്റോറന്റുകള്, ഫാര്മസികള് എന്നിവിടങ്ങളിലെ കൗണ്ടറുകളില് ഒറ്റത്തവണ ഉപയോഗിക്കുന്ന ബാഗുകള്ക്ക് 25 ഫില്സ് ഈടാക്കും.
ദുബൈ: ഒറ്റത്തവണ ഉപയോഗിക്കുന്ന ക്യാരി ബാഗുകള്ക്ക് ദുബൈയില് 25 ഫില്സ് ഈടാക്കും. ജൂലൈ ഒന്ന് വെള്ളിയാഴ്ച മുതല് ഇത് പ്രാബല്യത്തില് വരും. റീട്ടെയില്, ടെക്സ്റ്റൈല്, ഇലക്ട്രോണിക് സ്റ്റോറുകള്, റസ്റ്റോറന്റുകള്, ഫാര്മസികള് എന്നിവിടങ്ങളിലെ കൗണ്ടറുകളില് ഒറ്റത്തവണ ഉപയോഗിക്കുന്ന ബാഗുകള്ക്ക് 25 ഫില്സ് ഈടാക്കും.
ഇ-കൊമേഴ്സ് ഡെലിവറികള്ക്കും താരിഫ് ബാധകമാണ്. ദുബൈ എക്സിക്യൂട്ടീവ് കൗണ്സില് ഫെബ്രുവരിയില് പ്രഖ്യാപിച്ചത് അനുസരിച്ചാണ് നടപടി. നൂറു ശതമാനം ബിസിനസുകളും ഒറ്റത്തവണ ഉപയോഗിക്കാവുന്ന ബാഗുകള്ക്ക് നിരോധനം ഏര്പ്പെടുത്തുന്നതിനോ ചാര്ജ് ഈടാക്കുന്നതിനോ അനുമതി നല്കിയിട്ടുണ്ട്.
ഒറ്റത്തവണ ഉപയോഗിക്കാവുന്ന പ്ലാസ്റ്റിക് ബാഗുകള് ഖത്തറില് നിരോധിക്കുന്നു
അബുദാബിയില് ഒറ്റത്തവണ ഉപയോഗിക്കുന്ന പ്ലാസ്റ്റിക് ബാഗുകള്ക്ക് നിരോധനം ഏര്പ്പെടുത്തുന്നു
അബുദാബി: അബുദാബിയില് ഒറ്റത്തവണ ഉപയോഗിക്കാവുന്ന പ്ലാസ്റ്റിക് ബാഗുകള്ക്ക് ജൂണ് ഒന്നു മുതല് നിരോധനം ഏര്പ്പെടുത്തുന്നു. 2020ല് കൊണ്ടുവന്ന ഒറ്റത്തവണ ഉപയോഗ പ്ലാസ്റ്റിക് നയ പ്രകാരമാണ് നിരോധനം. ഒറ്റത്തവണ ഉപയോഗിക്കുന്ന പ്ലാസ്റ്റിക് ഉല്പ്പന്നങ്ങള് ക്രമേണ കുറയ്ക്കാനും പുനരുപയോഗം പ്രോത്സാഹിപ്പിക്കാനുമാണ് പദ്ധതിയെന്ന് അബുദാബി പരിസ്ഥിതി ഏജന്സി (ഇഎഡി) അറിയിച്ചു.
ഒറ്റത്തവണ ഉപയോഗിക്കുന്ന പ്ലാസ്റ്റിക്ക് ഉത്പന്നങ്ങൾക്ക് നാളെ മുതൽ നിരോധനം; നിയമം ലംഘിച്ചാൽ കർശന നടപടി
പ്ലാസ്റ്റിക് കപ്പ് അടക്കം 16 ഉല്പ്പന്നങ്ങളുടെ ഉപയോഗം കുറയ്ക്കാനും പരിസ്ഥിതി ഏജന്സി ആലോചിക്കുന്നുണ്ട്. 2024ഓടെ ഒറ്റത്തവണ ഉപയോഗിക്കുന്ന സ്റ്റിറോഫോം പ്ലേറ്റുകളും കണ്ടെയ്നറുകളും നിരോധിക്കാനും അധികൃതര് ആലോചിക്കുന്നുണ്ട്. മലിനീകരണം കുറച്ച് ആരോഗ്യകരമായ പരിസ്ഥിതിയും സുസ്ഥിര ജീവിതരീതിയും പ്രോത്സാഹിപ്പിക്കാനും കാലാവസ്ഥാ വ്യതിയാനത്തെ പ്രതിരോധിക്കാനുമാണ് ഈ സമഗ്ര നയമെന്ന് പരിസ്ഥിതി ഏജന്സി വ്യക്തമാക്കി. പുതിയ തീരുമാനം സംബന്ധിച്ച് എമിറേറ്റിലുടനീളം ബോധവത്കരണ ക്യാമ്പയിന് നടത്തും. 90ലേറെ രാജ്യങ്ങളിലാണ് നിലവില് ഒറ്റത്തവണ പ്ലാസ്റ്റിക് ഉപയോഗ നിരോധനമുള്ളത്.
