Asianet News MalayalamAsianet News Malayalam

കുവൈത്തില്‍ കര്‍ഫ്യൂ സമയത്തും പള്ളികളില്‍ നമസ്കാരത്തിനെത്താം

ബുധനാഴ്ച മുതൽ കുവൈത്തിൽ പള്ളികൾ തുറക്കുമ്പോള്‍ കർഫ്യൂ സമയത്തും നിർബന്ധ നമസ്കാരങ്ങൾക്ക്​ എത്താമെന്നാണ് അറിയിപ്പ്. രാജ്യത്ത്​ വൈകീട്ട്​ ആറു മുതൽ രാവിലെ ആറ്​ വരെയാണ്​ കർഫ്യൂ. നമസ്കാരങ്ങൾക്ക്​ തൊട്ടടുത്ത പള്ളിയിലേക്ക്​ നടന്നുപോവാം

during curfew time prayers allowed in mosque kuwait
Author
Kuwait City, First Published Jun 10, 2020, 12:24 AM IST
  • Facebook
  • Twitter
  • Whatsapp

കുവൈത്ത് സിറ്റി: കുവൈത്തിൽ പള്ളികൾ തുറക്കുമ്പോള്‍ കർഫ്യൂ സമയത്തും നമസ്കാരങ്ങൾക്ക്​ എത്താം. ബുധനാഴ്ച മുതൽ കുവൈത്തിൽ പള്ളികൾ തുറക്കുമ്പോള്‍ കർഫ്യൂ സമയത്തും നിർബന്ധ നമസ്കാരങ്ങൾക്ക്​ എത്താമെന്നാണ് അറിയിപ്പ്. രാജ്യത്ത്​ വൈകീട്ട്​ ആറു മുതൽ രാവിലെ ആറ്​ വരെയാണ്​ കർഫ്യൂ. നമസ്കാരങ്ങൾക്ക്​ തൊട്ടടുത്ത പള്ളിയിലേക്ക്​ നടന്നുപോവാം.

എന്നാൽ, വാഹനത്തിൽ പോവാൻ അനുമതിയില്ല. ജനസാന്ദ്രത കുറഞ്ഞ പാർപ്പിട മേഖലകളിൽ ആണ് ആദ്യഘട്ടത്തിൽ പള്ളികൾ തുറക്കുക. രാജ്യത്തിന്‍റെ വിവിധ ഭാഗങ്ങളിലെ 900 പള്ളികൾ അണുവിമുക്തമാക്കി കഴിഞ്ഞു. അതേസമയം, കുവൈത്തില്‍ 630 പേർക്ക്​കൂടി പുതുതായി കൊവിഡ് 19​ സ്ഥിരീകരിച്ചു. 105 ഇന്ത്യക്കാരും ഇതില്‍ ഉള്‍പ്പെടുന്നു.

ഇതുവരെ 33,140 പേര്‍ക്കാണ് രാജ്യത്ത് വൈറസ് ബാധിച്ചത്. 920 പേർ ഉൾപ്പെടെ 22,162 പേര്‍ ഇതിനകം രോഗമുക്തി നേടിയിട്ടുണ്ട്. നാലുപേർ കൂടി മരിച്ചതോടെ രാജ്യത്തെ കൊവിഡ്​മരണം 273 ആയി വർധിച്ചു. നിലവിൽ 173 പേർ തീവ്രപരിചരണ വിഭാഗത്തിലാണന്ന് ആരോഗ്യമന്ത്രാലയം വ്യക്തമാക്കി. അതേസമയം, ഇന്ത്യയിലേക്കുള്ള ചാർട്ടേഡ് വിമാനങ്ങൾ ഇന്ന് മുതൽ സർവ്വീസ് തുടങ്ങും. നിരക്ക് അധികമാണെങ്കിലും ആയിരക്കണക്കിന് പേരാണ് നാട്ടിലെത്താൻ പേര് രജിസ്റ്റർ ചെയ്തിരിക്കുന്നത്. 

Follow Us:
Download App:
  • android
  • ios