Eid Al Adha 2022: ബഹ്റൈനില് ബലി പെരുന്നാള് അവധി പ്രഖ്യാപിച്ചു
രാജ്യത്ത് പൊതുമേഖലയില് ജൂലൈ എട്ടാം തീയ്യതി മുതല് 12 വരെ അവധിയായിരിക്കുമെന്നാണ് കിരീടാവകാശിയും പ്രധാനമന്ത്രിയുമായ സല്മാന് ബിന് ഹമദ് അല് ഖലീഫ പുറത്തിറക്കിയ സര്ക്കുലറില് പറയുന്നത്.
മനാമ: ബലി പെരുന്നാളിനോടനുബന്ധിച്ച് ബഹ്റൈനില് അവധി ദിനങ്ങള് പ്രഖ്യാപിച്ചു. രാജ്യത്ത് പൊതുമേഖലയില് ജൂലൈ എട്ടാം തീയ്യതി മുതല് 12 വരെ അവധിയായിരിക്കുമെന്നാണ് കിരീടാവകാശിയും പ്രധാനമന്ത്രിയുമായ സല്മാന് ബിന് ഹമദ് അല് ഖലീഫ പുറത്തിറക്കിയ സര്ക്കുലറില് പറയുന്നത്.
ജൂലൈ എട്ട് വെള്ളിയാഴ്ച മുതല് ജൂലൈ 11 തിങ്കളാഴ്ച വരെയാണ് രാജ്യത്തെ മന്ത്രാലയങ്ങള്ക്കും പൊതു സ്ഥാപനങ്ങള്ക്കും അവധി പ്രഖ്യാപിച്ചിരിക്കുന്നത്. എന്നാല് ബലി പെരുന്നാള് ദിനമായ ജൂലൈ ഒന്പത് ശനിയാഴ്ച രാജ്യത്തെ പൊതുമേഖലയ്ക്ക് വാരാന്ത്യ അവധിയായതിനാല് അതിന് പകരം ജൂലൈ 12ന് അവധി നല്കുമെന്നാണ് അറിയിപ്പ്.
Read also: സൗദി അറേബ്യയിലെ സ്വകാര്യ മേഖലയ്ക്ക് ബലിപെരുന്നാള് അവധി പ്രഖ്യാപിച്ചു
ഒമാന് ഉള്പ്പെടെയുള്ള എല്ലാ ഗള്ഫ് രാജ്യങ്ങളിലും ജൂലൈ ഒന്പതിനാണ് ബലി പെരുന്നാള്. ജൂണ് 29ന് സൗദി അറേബ്യയിലെ തുമൈർ എന്ന സ്ഥലത്താണ് മാസപ്പിറവി ദൃശ്യമായത്. അറബി മാസമായ ദുൽഖഅ്ദ് ജൂണ് - 29ന് അവസാനിക്കുകയും ഹിജ്റ കലണ്ടറിലെ അവസാന മാസമായ ദുൽഹജ്ജ് ജൂണ് - 30ന് തുടങ്ങുകയും ചെയ്തു. അറബി മാസം ദുല്ഹജ്ജ് പത്തിനാണ് ബലി പെരുന്നാള് ആഘോഷിക്കുന്നത്.
ബഹ്റൈനില് ഉച്ചവിശ്രമ നിയമം പ്രാബല്യത്തില് വന്നു; നിയമ ലംഘനം കണ്ടെത്താന് പരിശോധന
മനാമ: ചൂട് കൂടുന്ന സാഹചര്യത്തില് ഒമാനില് ഉച്ചവിശ്രമ നിയമം ജൂലൈ ഒന്ന് മുതല് പ്രാബല്യത്തില് വന്നു. ഉച്ചയ്ക്ക് 12 മണി മുതല് വൈകുന്നേരം നാല് വരെ തുറസായ സ്ഥലങ്ങളില് നേരിട്ട് സൂര്യപ്രകാശമേല്ക്കുന്ന തരത്തിലുള്ള ജോലികള്ക്കാണ് വിലക്കുള്ളത്. ഓഗസ്റ്റ് 31 വരെ നിയന്ത്രണം നിലവിലുണ്ടാവും.
ചൂട് കാരണമായി തൊഴിലാളികള്ക്ക് ഉണ്ടാവാന് സാധ്യതയുള്ള ശാരീരിക ബുദ്ധുമുട്ടികള് ഒഴിവാക്കുന്നതിനാണ് ഉച്ച വിശ്രമം അനുവദിക്കുന്നതെന്ന് തൊഴില് മന്ത്രി ജമീല് ഹുമൈദാന് അറിയിച്ചു. കണ്സ്ട്രക്ഷന് സൈറ്റുകളിലും മറ്റ് ജോലി സ്ഥലങ്ങളിലും അധികൃതര് ഇത് സംബന്ധിച്ചുള്ള ബോധവത്കരണം നേരത്തെ തന്നെ തുടങ്ങിയിരുന്നു. 2013 മുതലാണ് ബഹ്റൈനില് ഉച്ചവിശ്രമ നിയമം നടപ്പാക്കിത്തുടങ്ങിയത്. മറ്റ് പല ഗള്ഫ് രാജ്യങ്ങളിലും നേരത്തെ തന്നെ ഉച്ചവിശ്രമ നിയമം പ്രാബല്യത്തില് വന്നിട്ടുണ്ട്.