മദ്യപിച്ച് റോഡില് കിടന്ന് ഗതാഗതം തടസപ്പെടുത്തി; പ്രവാസിക്ക് ജയില് ശിക്ഷയും നാടുകടത്തലും
ജയില് ശിക്ഷ അനുഭവിച്ച ശേഷം ഇയാളെ ബഹ്റൈനില് നിന്ന് നാടുകടത്തണമെന്നും കോടതി ഉത്തരവിട്ടിട്ടുണ്ടെന്ന് ക്യാപിറ്റല് ഗവര്ണറേറ്റ് പബ്ലിക് പ്രോസിക്യൂട്ടര് അറിയിച്ചു.
മനാമ: ബഹ്റൈനില് മദ്യ ലഹരിയില് റോഡില് കിടന്ന് ഗതാഗതം തടസപ്പെടുത്തിയ പ്രവാസി യുവാവിന് ഒരു മാസം ജയില് ശിക്ഷ. ഗതാഗതം തടസപ്പെടുത്തിയതിന് പുറമെ സ്വന്തം ജീവന് അപകടത്തിലാക്കിയതിനും ഇയാള്ക്കെതിരെ കുറ്റം ചുമത്തിയിരുന്നു. ഏതാനും ദിവസം മുമ്പ് ബഹ്റൈനിലെ ഗുദൈബിയയിലായിരുന്നു സംഭവം.
ജയില് ശിക്ഷ അനുഭവിച്ച ശേഷം ഇയാളെ ബഹ്റൈനില് നിന്ന് നാടുകടത്തണമെന്നും കോടതി ഉത്തരവിട്ടിട്ടുണ്ടെന്ന് ക്യാപിറ്റല് ഗവര്ണറേറ്റ് പബ്ലിക് പ്രോസിക്യൂട്ടര് അറിയിച്ചു. 30 വയസുകാരനായ പ്രവാസി യുവാവ് റോഡില് കിടന്ന് ഗതാഗതം തടപ്പെടുത്തുന്നതിന്റെ വീഡിയോ ദൃശ്യങ്ങള് സാമൂഹിക മാധ്യമങ്ങളിലൂടെ പ്രചരിച്ചിരുന്നു. കസ്റ്റഡിയിലെടുത്ത് തുടര് നടപടികള് സ്വീകരിച്ച ശേഷം ഹൂറ പൊലീസ് സ്റ്റേഷനില് നിന്നാണ് കേസ് പബ്ലിക് പ്രോസിക്യൂഷന് കൈമാറിയത്.
Read also: ആറ് മാസത്തിലധികം രാജ്യത്തിന് പുറത്തു താമസിച്ചാല് പ്രവാസികളുടെ ഇഖാമ റദ്ദാവും
കാറിന് മുകളിലിരുന്ന് യാത്ര ചെയ്യുന്ന വീഡിയോ വൈറലായതിന് പിന്നാലെ അറസ്റ്റ്
മസ്കത്ത്: ഒമാനിലെ ദോഫാര് ഗവര്ണറേറ്റില് നിയമവിരുദ്ധമായി ഒരു കാറിന് മുകളിലിരുന്ന് രണ്ട് യുവാക്കള് യാത്ര ചെയ്ത സംഭവത്തില് കാര് ഡ്രൈവറെ അറസ്റ്റ് ചെയ്തു. സംഭവത്തിന്റെ വീഡിയോ ദൃശ്യങ്ങള് സാമൂഹിക മാധ്യമങ്ങള് വഴി പ്രചരിച്ചതിന് പിന്നാലെയാണ് റോയല് ഒമാന് പൊലീസ് നടപടി സ്വീകരിച്ചത്
ഗതാഗത നിയമങ്ങളുടെയും ചട്ടങ്ങളുടെയും ലംഘനം ബോധ്യപ്പെടുന്ന ഒരു വീഡിയോ ക്ലിപ്പ് പുറത്തുവന്നതിന് പിന്നാലെ കാര് ഡ്രൈവറെ അറസ്റ്റ് ചെയ്യുകയായിരുന്നുവെന്നാണ് റോയല് ഒമാന് പൊലീസ് പുറത്തിറക്കിയ ഔദ്യോഗിക പ്രസ്താവനയില് പറയുന്നത്. ഡ്രൈവര്ക്കെതിരെ നിയമപരമായ നടപടികള് സ്വീകരിച്ചിട്ടുണ്ടെന്നും അധികൃതര് അറിയിച്ചു.