കുവൈത്ത് സിറ്റി: പ്രവാസി യുവാവിനെ ഫ്ലാറ്റിനുള്ളില്‍ മരിച്ച നിലയില്‍ കണ്ടെത്തി. മന്‍ഗഫിലാണ് സംഭവം. ആഭ്യന്തര മന്ത്രാലയത്തില്‍ വിവരം ലഭിച്ചതിന്റെ അടിസ്ഥാനത്തില്‍ സുരക്ഷാ ഉദ്യോഗസ്ഥരുടെ സംഘം സ്ഥലത്തെത്തി. 36കാരനായ യുവാവ് അപ്പാര്‍ട്ട്മെന്റിന്റെ സീലിങില്‍ തൂങ്ങി മരിക്കുകയായിരുന്നുവെന്നാണ് അറബ് ടൈംസ് റിപ്പോര്‍ട്ട് ചെയ്തത്. നടപടികള്‍ പൂര്‍ത്തിയാക്കി മൃതദേഹം ഫോറന്‍സിക് ഡിപ്പാര്‍ട്ട്മെന്റിലേക്ക് മാറ്റി. സംഭവത്തില്‍ കേസ് രജിസ്റ്റര്‍ ചെയ്ത് അന്വേഷണം തുടങ്ങിയിട്ടുണ്ട്.