യുഎഇയില് ഇന്ധനവില വര്ധിപ്പിച്ചു
സൂപ്പര് 98 പെട്രോള് ലിറ്ററിന് ഓഗസ്റ്റ് ഒന്നുമുതല് 2.58 ദിര്ഹമായിരിക്കും നിരക്ക്. കഴിഞ്ഞ മാസം ഇത് 2.47 ദിര്ഹമായിരുന്നു. സ്പെഷ്യല് 95 പെട്രോളിന് ലിറ്ററിന് 2.47 ദിര്ഹമാകും ഓഗസ്റ്റ് മുതല് നല്കേണ്ടി വരിക.
അബുദാബി: യുഎഇയില് ഓഗസ്റ്റില് ഇന്ധനവില ഉയരും. പുതിയ നിരക്ക് യുഎഇയില് ഇന്ധനവില നിര്ണയിക്കുന്ന കമ്മറ്റി വ്യാഴാഴ്ച പ്രഖ്യാപിച്ചു. പെട്രോളിന് ലിറ്ററിന് 11 മുതല് 12 ഫില്സ് വരെയും ഡീസലിന് മൂന്ന് ഫില്സുമാണ് വര്ധിക്കുക.
സൂപ്പര് 98 പെട്രോള് ലിറ്ററിന് ഓഗസ്റ്റ് ഒന്നുമുതല് 2.58 ദിര്ഹമായിരിക്കും നിരക്ക്. കഴിഞ്ഞ മാസം ഇത് 2.47 ദിര്ഹമായിരുന്നു. സ്പെഷ്യല് 95 പെട്രോളിന് ലിറ്ററിന് 2.47 ദിര്ഹമാകും ഓഗസ്റ്റ് മുതല് നല്കേണ്ടി വരിക. ജൂലൈയില് ഇത് 2.35 ദിര്ഹമായിരുന്നു. ഇ പ്ലസ് പെട്രോളിന് ലിറ്ററിന് 2.39 ദിര്ഹമാണ് വര്ധിപ്പിച്ച നിരക്ക്. 2.28 ദിര്ഹം ആയിരുന്നു പഴയ നിരക്ക്. ഡീസലിന് ഓഗസ്റ്റ് മുതല് ലിറ്ററിന് 2.45 ദിര്ഹമാണ്. പഴയവില 2.42 ദിര്ഹം ആയിരുന്നു. അന്താരാഷ്ട്ര വിപണയിലെ എണ്ണവില അനുസരിച്ച് ഓരോ മാസവും യോഗം ചേര്ന്നാണ് പ്രാദേശിക വില നിശ്ചയിക്കുന്നത്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്ക് ഈ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCoronaനീന്തല്