വിവിധ രാജ്യക്കാരാണ് അറസ്റ്റിലായത്. താമസ, തൊഴില് നിയമലംഘകരായ 39 പേരെയും ഫര്വാനിയ ഗവര്ണറേറ്റില് നിന്ന് യാചന നടത്തിയ മൂന്നുപേരെയുമാണ് അറസ്റ്റ് ചെയ്തത്.
കുവൈത്ത് സിറ്റി: കുവൈത്തില് നിയമലംഘകരെ കണ്ടെത്താനുള്ള പരിശോധനകള് കര്ശനമായി തുടരുകയാണ്. താമസ, തൊഴില് നിയമങ്ങള് ലംഘിച്ച 39 പ്രവാസികളെ കൂടി അറസ്റ്റ് ചെയ്തു. ജനറല് അഡ്മിനിസ്ട്രേഷന് ഓഫ് റെസിഡന്സ് അഫയേഴ്സ് ഇന്വെസ്റ്റിഗേഷന്സിന്റെ സഹകരണത്തില് നടത്തി വരുന്ന സുരക്ഷാ ക്യാമ്പയിനിലാണ് ഇവര് പിടിയിലായത്.
വിവിധ രാജ്യക്കാരാണ് അറസ്റ്റിലായത്. താമസ, തൊഴില് നിയമലംഘകരായ 39 പേരെയും ഫര്വാനിയ ഗവര്ണറേറ്റില് നിന്ന് യാചന നടത്തിയ മൂന്നുപേരെയുമാണ് അറസ്റ്റ് ചെയ്തത്. തുടര് നിയമ നടപടികള്ക്കായി ഇവരെ ബന്ധപ്പെട്ട വകുപ്പുകള്ക്ക് കൈമാറി.
Read Also - പ്രവാസി ബാച്ചിലര്മാരുടെ താമസസ്ഥലങ്ങളില് വ്യാപക പരിശോധന; 146 കെട്ടിടങ്ങളിലെ വൈദ്യുതി വിച്ഛേദിച്ചു
കുവൈത്തില് അടുത്തിടെ താമസ, തൊഴില് നിയമങ്ങള് ലംഘിച്ച 25 പ്രവാസികളെ അറസ്റ്റ് ചെയ്തിരുന്നു. ഷര്ഖ് മേഖലയിലെ ഫിഷ് മാര്ക്കറ്റില് താമസ, തൊഴില് നിയമങ്ങള് ലംഘിച്ചവരെയാണ് അധികൃതര് പിടികൂടിയത്. ജനറല് ഡിപ്പാര്ട്ട്മെന്റ് ഓഫ് റെസിഡന്സ് അഫയേഴ്സ് ഇന്വെസ്റ്റിഗേഷന്സ്, ട്രൈപാര്ട്ടി ജോയിന്റ് കമ്മറ്റി, മാന്പവര് അതോറിറ്റി, വാണിജ്യ, വ്യവസായ മന്ത്രാലയം എന്നിവയുമായി സഹകരിച്ച് സുരക്ഷ ഉറപ്പാക്കാന് നടത്തുന്ന പരിശോധനകളുടെ ഭാഗമായാണ് നിയമലംഘകര് പിടിയിലായത്. പിടികൂടിയ പ്രവാസികളെ തുടര് നിയമ നടപടികള് സ്വീകരിക്കുന്നതിനായി ബന്ധപ്പെട്ട വകുപ്പുകള്ക്ക് കൈമാറിയിരുന്നു.
കുവൈത്തില് തൊഴില്, താമസ നിയമലംഘകരായ പ്രവാസികള്ക്കായി നടത്തിവരുന്ന പരിശോധനകള് തുടരുകയാണ്. മാന്പവര് പബ്ലിക് അതോറിറ്റിയുടെ നേതൃത്വത്തില് റെസിഡന്സ് അഫയേഴ്സ് ഇന്വെസ്റ്റിഗേഷന് വകുപ്പിന്റെ സഹകരണത്തോടെ ജൂണ് മാസം നടന്ന പരിശോധനകളില് ആകെ 922 പ്രവാസികളെ അറസ്റ്റ് ചെയ്തതായി ഔദ്യോഗിക കണക്കുകള് വ്യക്തമാക്കുന്നു. തുടര് നടപടികള് പൂര്ത്തിയാക്കി ഇവരെ രാജ്യത്തു നിന്ന് നാടുകടത്താനുള്ള നടപടികളാണ് ഇപ്പോള് പുരോഗമിക്കുന്നത്.
Read Also - വീടിനുള്ളില് തീപിടിത്തം; ഞൊടിയിടയില് ആളുകളെ രക്ഷപ്പെടുത്തി കുവൈത്ത് അഗ്നിശമനസേന
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം...
