ഇയാളുമായി സമ്പര്ക്കത്തില് വന്ന 108 പേരുടെയും പരിശോധനാഫലം നെഗറ്റീവാണ്.
അല്ഐന്: മൃഗങ്ങളില് നിന്ന് മനുഷ്യരിലേക്ക് പകരുന്ന മെര്സ് വൈറസ് യുഎഇയില് സ്ഥിരീകരിച്ചു. യുഎഇയിലെ അല്ഐനില് പ്രവാസി യുവാവിന് മെര്സ് (മിഡില് ഈസ്റ്റ് റെസ്പിറേറ്ററി സിന്ഡ്രോം) സ്ഥിരീകരിച്ചതായി ലോകാരോഗ്യ സംഘടന വ്യക്തമാക്കി.
വൈറസ് ബാധിച്ച 28കാരന്റെ ആരോഗ്യനില ഗുരുതരമല്ല. ഇയാളുമായി സമ്പര്ക്കത്തില് വന്ന 108 പേരുടെയും പരിശോധനാഫലം നെഗറ്റീവാണ്. രോഗം സ്ഥിരീകരിച്ച 28കാരനുമായി സമ്പര്ക്കം പുലര്ത്തിയ 108 പേരുടെയും നിരീക്ഷണ കാലയളവ് പൂര്ത്തിയാക്കിയ ശേഷമാണ് അധികൃതര് ഇക്കാര്യം പുറത്തുവിട്ടത്.
ജൂണ് മൂന്നിനും ഏഴിനും പലതവണകളായി ഛര്ദ്ദി, മൂത്രമൊഴിക്കുമ്പോള് വേദന എന്നീ ലക്ഷണങ്ങളുമായി എത്തിയ രോഗിയെ ജൂണ് എട്ടിന് ആശുപത്രിയില് പ്രവേശിപ്പിച്ചു. തുടര്ന്ന് തീവ്രപരിചരണ വിഭാഗത്തില് പ്രവേശിപ്പിച്ച രോഗിക്ക് ജൂണ് 21ന് പിസിആര് ടെസ്റ്റ് നടത്തി. ജൂണ് 23ന് വൈറസ് ബാധ സ്ഥിരീകരിച്ചു. രോഗി ഒട്ടകങ്ങളുമായോ മറ്റ് മൃഗങ്ങളുമായോ നേരിട്ട് സമ്പര്ക്കത്തില് വന്നിട്ടില്ലെന്ന് കണ്ടെത്തിയിട്ടുണ്ട്. പത്ത് വര്ഷത്തെ ഇടവേളയ്ക്ക് ശേഷമാണ് യുഎഇയില് മെര്സ് വൈറസ് റിപ്പോര്ട്ട് ചെയ്യുന്നത്.
Read Also - നെറ്റ്ഫ്ലിക്സ് പാസ്വേഡ് പങ്കുവെക്കാനാകില്ല; നിയന്ത്രണം ഏര്പ്പെടുത്തിയത് യുഎഇയിലും
വിവിധ നഗരങ്ങളിലേക്ക് കുറഞ്ഞ നിരക്കില് പറക്കാം; പരിമിതകാല ഓഫര് പ്രഖ്യാപിച്ച് എയര്ലൈന്
അബുദാബി: വിവിധ നഗരങ്ങളിലേക്ക് കുറഞ്ഞ നിരക്കില് യാത്ര ചെയ്യാം. പുതിയ ഓഫര് പ്രഖ്യാപിച്ച് യുഎഇയുടെ ദേശീയ വിമാന കമ്പനി ഇത്തിഹാദ് എയര്വേയ്സ്. 'മിഷന് ഇംപോസിബിളി'ലൂടെയാണ് ഇത്തിഹാദ് ഈ പരിമിതകാല ഓഫര് നല്കുന്നത്. യാത്രക്കാര്ക്ക് ലോകമെമ്പാടുമുള്ള വിവിധ സ്ഥലങ്ങളിലേക്ക് കുറഞ്ഞ നിരക്കില് യാത്ര ചെയ്യാനുള്ള അവസരമാണ് വിമാന കമ്പനി ഒരുക്കുന്നത്.
ഇന്ത്യയിലേക്കും കുറഞ്ഞ നിരക്കില് യാത്ര ചെയ്യാന് ഈ ഓഫറിലൂടെ സാധിക്കും. 895 ദിര്ഹം മുതലാണ് ഇന്ത്യയിലേക്കുള്ള ടിക്കറ്റ് നിരക്ക്. മുംബൈയിലേക്ക് എക്കണോമി ക്ലാസില് 895 ദിര്ഹത്തിന് യാത്ര ചെയ്യാം. ദില്ലിയിലേക്ക് 995ദിര്ഹമാണ് ഓഫര് കാലയളവിലെ ടിക്കറ്റ് നിരക്ക്. യൂറോപ്പിലേക്ക് 2,445 ദിര്ഹത്തിന് യാത്ര ചെയ്യാം. 2,445 ദിര്ഹമാണ് സുറിച്ചിലേക്കുള്ള എക്കണോമി ക്ലാസ് ടിക്കറ്റ് നിരക്ക്. 14,995 ദിര്ഹത്തിന് ബിസിനസ് ക്ലാസ് ടിക്കറ്റും ലഭിക്കും.
Read Also - കുട്ടിയെ കാറില് മറന്നു, കടയില് തിരക്കിലമര്ന്ന് അമ്മ, പിന്നീട് സംഭവിച്ചത്; കണ്ണ് തുറപ്പിക്കും ഈ വീഡിയോ
ഈ ഓഫര് പ്രയോജനപ്പെടുത്താന് യാത്രക്കാര് ഈ വര്ഷം സെപ്തംബര് 10 മുതല് ഡിസംബര് 10 വരെയുള്ള കാലയളവിലേക്കുള്ള യാത്രയുടെ ടിക്കറ്റ് ആണ് ബുക്ക് ചെയ്യേണ്ടത്. ഓഫര് ജൂലൈ 31 വരെ മാത്രമേ ഉള്ളൂ. ഈ പരിമിതമായ സമയത്തില് ടിക്കറ്റ് ബുക്ക് ചെയ്യുന്നവര്ക്കാണ് കുറഞ്ഞ നിരക്കില് യാത്ര ചെയ്യാനാവുക. മിഷന് ഇംപോസിബിളിന്റെ ഭാഗമാകാന് കഴിഞ്ഞതില് സന്തോഷമുണ്ടെന്നും തങ്ങളുടെ വിലപ്പെട്ട അതിഥികള്ക്കായി അവിശ്വസനീയമായ ഓഫറുകളാണ് അവതരിപ്പിക്കുന്നതെന്നും ഇത്തിഹാദ് എയര്വേയ്സ് ചീഫ് റെവന്യു ഓഫീസര് അറിക് ദീ പറഞ്ഞു. വേനല്ക്കാലത്ത് വിമാനയാത്രാ ആവശ്യകത വര്ധിക്കുമെന്നത് ഞങ്ങള്ക്ക് അറിയാമെന്നും ഇത്തിഹാദിന്റെ 'ഇംപോസിബിള്' ഓഫറിലൂടെ നിങ്ങളുടെ യാത്രാ ദൗത്യങ്ങള് സാധ്യമാകുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേര്ത്തു.
