ആളപായം ഒന്നും റിപ്പോർട്ട് ചെയ്യപ്പെട്ടിട്ടില്ല.
മസ്കറ്റ്: ഒമാനിലെ വ്യവസായ മേഖലയിൽ തീപിടിത്തം. സീബ് വിലയത്തിലെ റുസൈൽ വ്യവസായ മേഖലയിലാണ് തീപിടിത്തം ഉണ്ടായത്. റുസൈൽ വ്യവസായ മേഖലയിൽ നിർത്തിയിട്ടിരുന്ന നാല് ട്രക്കുകളിലാണ് തീപിടിത്തം ഉണ്ടായെതെന്ന് സിവിൽ ഡിഫൻസ്, ആംബുലൻസ് ഡിപ്പാർട്ട്മെന്റ പുറത്തിറക്കിയ പ്രസ്താവനയിൽ പറയുന്നു.
മസ്കത്ത് ഗവർണറേറ്റിലെ സിവിൽ ഡിഫൻസ്, ആംബുലൻസ് ഡിപ്പാർട്ട്മെന്റിന്റെ അഗ്നിശമന സേനകൾ സംഭവ സ്ഥലത്തെത്തി തീപിടിത്തം നിയന്ത്രണവിധേയമാക്കി. ആളപായം ഒന്നും റിപ്പോർട്ട് ചെയ്യപ്പെട്ടിട്ടില്ല.
പ്രവാസിയുടെ മൃതദേഹം നാട്ടിലെത്തിക്കുന്നതില് വീഴ്ച; കുടുംബത്തോട് മാപ്പു പറഞ്ഞ് എയര് ഇന്ത്യ എക്സ്പ്രസ്
ദുബൈ: പ്രവാസിയുടെ മൃതദേഹം നാട്ടിലെത്തിക്കുന്നതില് വൈകിയ സംഭവത്തില് മാപ്പു പറഞ്ഞ് എയര് ഇന്ത്യ എക്സ്പ്രസ്. ദുബൈയില് മരിച്ച കൊല്ലം ഭരണിക്കാവ് സ്വദേശി സുഭാഷ് പിള്ളയുടെ (50) മൃതദേഹം ദുബൈയില് നിന്ന് തിരുവനന്തപുരത്തേക്ക് എത്തിക്കുന്നതിലാണ് വീഴ്ച സംഭവിച്ചത്.
വിമാനം വൈകിയതോടെ യാത്രക്കാരെ മറ്റൊരു വിമാനത്തില് അയച്ചു. എന്നാല് മൃതദേഹം ദുബൈയില് നിന്ന് ഷാര്ജയിലേക്ക് കൊണ്ടുപോകാന് കഴിഞ്ഞില്ല. 'കുടുംബാംഗങ്ങള്ക്കുണ്ടായ അസൗകര്യത്തില് എയര് ഇന്ത്യ എക്സ്പ്രസ് ആത്മാര്ത്ഥമായി ക്ഷമ ചോദിക്കുന്നു. മറ്റ് യാത്രക്കാരെ ഷാര്ജ-തിരുവനന്തപുരം വിമാനത്തില് കൊണ്ടുപോകുന്നതിന് ക്രമീകരണം ചെയ്തു. പക്ഷേ ചുരുങ്ങിയ സമയത്തിനുള്ളില് മൃതദേഹം ദുബായില് നിന്ന് ഷാര്ജയിലെത്തിക്കാനായില്ല. ഇതോടെ ദുബൈയില് നിന്ന് തിരുവനന്തപുരത്തേക്ക് ഷെഡ്യൂള് ചെയ്ത അടുത്ത വിമാനം കുടുംബം തെരഞ്ഞെടുത്തു. ഈ പ്രതിസന്ധി ഘട്ടത്തില് ദുഃഖിതരായ കുടുംബത്തിന് ഹോട്ടല് താമസം ഉള്പ്പെടെ സാധ്യമായ എല്ലാ സഹായങ്ങളും എയര്ലൈന് നല്കി'- എയര് ഇന്ത്യ എക്സ്പ്രസ് വക്താവ് പറഞ്ഞു.
ഈ മാസം 13ന് രാത്രി 8.45ന് പുറപ്പെടേണ്ട വിമാനം വൈകിയതോടെ സംസ്കാര ചടങ്ങും വൈകി. സംസ്കാരം സംബന്ധിച്ച വിവരം വിമാന ജീവനക്കാരെ അറിയിച്ചിട്ടും ബദല് സംവിധാനം ഒരുക്കാന് തയ്യാറായില്ലെന്നാണ് ബന്ധുക്കള് ആരോപിച്ചത്. വിമാനത്താവളത്തിലെ കാര്ഗോ വിഭാഗത്തിലായിരുന്നു മൃതദേഹം.