ലോകത്തിലെ ഏറ്റവും മികച്ച വിമാനത്താവളങ്ങളുടെ 2025ലെ പുതിയ പട്ടികയാണ് പുറത്തുവിട്ടത്. 

ദോഹ: ലോകത്തിലെ ഏറ്റവും മികച്ച വിമാനത്താവളങ്ങളുടെ പട്ടികയില്‍ വീണ്ടും ഇടം പിടിച്ച് ഖത്തറിലെ ഹമദ് അന്താരാഷ്ട്ര വിമാനത്താവളം. അന്താരാഷ്​​ട്ര എയർലൈൻ-എയർപോർട്ട്​ റേറ്റിങ്​ സ്​ഥാപനമായ സ്​കൈട്രാക്​സിന്‍റെ 2025ലെ പട്ടികയിലാണ്​ ഹമദ് വിമാനത്താവളം നേട്ടം സ്വന്തമാക്കിയത്. 

ലോകത്തിലെ ഏറ്റവും മികച്ച വിമാനത്താവളങ്ങളുടെ പട്ടികയിൽ രണ്ടാം സ്​ഥാനമാണ് ഹമദ് എയര്‍പോര്‍ട്ട് സ്വന്തമാക്കിയത്. സിം​ഗ​പ്പൂ​ർ ചാ​ങ്കി വി​മാ​ന​ത്താ​വ​ള​മാ​ണ്​ സ്​​കൈ​ട്രാ​ക്​​സി​ൽ ലോ​ക​ത്തെ ഏ​റ്റ​വും മി​ക​ച്ച വി​മാ​ന​ത്താ​വ​ള​മാ​യി തി​ര​ഞ്ഞെ​ടു​ക്ക​പ്പെ​ട്ട​ത്. മൂ​ന്നാം സ്ഥാ​ന​ത്ത്​ ടോ​ക്യോ അ​ന്താ​രാ​ഷ്​​​ട്ര വി​മാ​ന​ത്താ​വ​ള​വും ഇ​ടം​നേ​ടി. ഇ​ഞ്ചി​യോ​ൺ (4), ന​രി​റ്റ (5), ഹോ​​ങ്കോ​ങ് (6), പാ​രി​സ്​ ചാ​ൾ​സ്​ ഡി ​ഗ്വേ​ൽ (7), റോം ​ഫൂ​മി​​സി​നോ (8), മ്യൂ​ണി​ച്​ (9), സൂ​റി​ച്​ (10) എ​ന്നി​വ​യാ​ണ്​ ആ​ദ്യ പ​ത്തു സ്ഥാ​ന​ങ്ങ​ളി​ലു​ള്ള​ത്. ദു​ബൈ അ​ന്താ​രാ​ഷ്​​​ട്ര വി​മാ​ന​ത്താ​വ​ളം 11ാം സ്ഥാ​ന​ത്താ​ണ്. 

മിഡിൽ ഈസ്റ്റിലെ ഏറ്റവും മികച്ച വിമാനത്താവളമായും ഹമദ് അന്താരാഷ്ട്ര വിമാനത്താവളത്തെ തെരഞ്ഞെടുത്തു. തുടർച്ചയായ പതിനൊന്നാം വർഷമാണ്​ സ്കൈട്രാക്സിന്റെ വേൾഡ് എയർപോർട്ട് അവാർഡുകളിൽ മിഡിൽ ഈസ്റ്റിലെ ഏറ്റവും മികച്ച വിമാനത്താവളമായി ഹമദ് തെരഞ്ഞെടുക്കപ്പെടുന്നത്​.

Read Also -  എമിറേറ്റ്സ് വിമാനത്തിൽ ദുബൈയിൽ നിന്ന് വന്നിറങ്ങിയ യുവതിയെ സംശയം; പരിശോധിച്ചപ്പോൾ കൈയിൽ കോടികളുടെ മയക്കുമരുന്ന്

സ്പെയിനിലെ മഡ്രിഡിൽ നടന്ന ചടങ്ങിൽ പുരസ്കാരം സമ്മാനിച്ചു. ഹമദ് വിമാനത്താവളത്തിന് 5-സ്റ്റാർ എയർപോർട്ട് റേറ്റിങ്ങും ലഭിച്ചു. ആ​ഗോള തലത്തിൽ മികച്ച എയർപോർട്ട് ഷോപ്പിങ്ങിനുള്ള പുരസ്കാരവും ഹമദ് വിമാനത്താവളത്തിനാണ്. ഷോപ്പിങ്, ഡൈനിങ് ഓപ്ഷനുകൾ, വിശാലമായ ഇൻഡോർ ട്രോപ്പിക്കൽ ഗാർഡൻ എന്നിവ ഉൾപ്പെടെ മികവുറ്റ വിനോദ, വിശ്രമ സംവിധാനങ്ങളാണ് ഹമദ് വിമാനത്താവളത്തിൽ യാത്രക്കാർക്കായി ഒരുക്കിയിട്ടുള്ളത്. അ​ടു​ത്തി​ടെ​യാ​ണ്​ കൂ​ടു​ത​ൽ യാ​ത്രാ സൗ​ക​ര്യ​മൊ​രു​ക്കു​ന്ന ഡി,​ ഇ കോ​ൺ​കോ​ഴ്​​സു​ക​ൾ ഹ​മ​ദ്​ വി​മാ​ന​ത്താ​വ​ള​ത്തി​ൽ തു​റ​ന്നു​ന​ൽ​കി​യ​ത്. ഇ​തോ​ടെ പ്ര​തി​വ​ർ​ഷം 65 ദ​ശ​ല​ക്ഷ​ത്തി​ല​ധി​കം യാ​ത്ര​ക്കാ​ർ എ​ന്ന ല​ക്ഷ്യം തി​ക​ക്കാ​ൻ ഒ​രു​ങ്ങു​ക​യാ​ണ്​ വി​മാ​ന​ത്താ​വ​ളം. 

നി​ല​വി​ൽ 845,000 ച​തു​ര​ശ്ര​മീ​റ്റ​റാ​ണ് വി​മാ​ന​ത്താ​വ​ള കെ​ട്ടി​ട​ത്തി​ന്റെ വി​സ്തീ​ർ​ണം. 17 പു​തി​യ ഗേ​റ്റു​ക​ൾ വ​ർ​ധി​പ്പി​ച്ച് ആ​കെ ബോ​ർ​ഡി​ങ് ഗേ​റ്റു​ക​ളു​ടെ എ​ണ്ണം 62 ആ​യി. മിഡിൽ ഈസ്റ്റ്‌, ഏ​ഷ്യ​ൻ മേ​ഖ​ല​ക​ളി​ൽ നി​ന്ന്​ യൂ​റോ​പ്, അ​മേ​രി​ക്കൻ, ആ​ഫ്രി​ക്കൻ വ​ൻ​ക​ര​ക​ളി​ലേ​ക്കും, ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ലുള്ള ‍197ല​ധി​കം ന​ഗ​ര​ങ്ങ​ളു​മാ​യും യാ​ത്ര​ക്കാ​രെ ബ​ന്ധി​പ്പി​ക്കു​ന്ന ആ​​ഗോ​ള ഹ​ബ്ബാ​യി മാ​റി​യ ഹ​മ​ദ്​ അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ന്റെ സേ​വ​ന മി​ക​വി​നു​ള്ള അം​ഗീ​കാ​ര​മാ​ണ്​ സ്​​കൈ​ട്രാ​ക്​​സി​ന്റെ തു​ട​ർ​ച്ച​യാ​യ നേ​ട്ട​ങ്ങ​ൾ. 

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം