Asianet News MalayalamAsianet News Malayalam

Gulf News : ഒമാനില്‍ ബുധനാഴ്‍ച വരെ ശക്തമായ മഴയ്‍ക്ക് സാധ്യത; ജാഗ്രതാ നിര്‍ദേശം

ഒമാനിലെ  മുസന്ദം, വടക്കൻ അൽ ബത്തിന, തെക്കൻ അൽ ബത്തിന, മസ്‌കത്ത്, തെക്കൻ അൽ ശർഖിയ എന്നീ മേഖലകളില്‍  ബുധനാഴ്ച വരെ ഇടിയോടു കൂടിയ മഴയ്‍ക്ക് സാധ്യത

Heavy rain predicted at various parts of Oman till Wednesday
Author
Muscat, First Published Nov 29, 2021, 11:56 PM IST
  • Facebook
  • Twitter
  • Whatsapp

മസ്‍കത്ത്: അറബിക്കടലില്‍ (Arabian Sea) രൂപപ്പെട്ട ന്യൂനമര്‍ദ്ദം ഒമാന്‍ തീരത്തേക്ക് നീങ്ങുന്നതിനാല്‍ രാജ്യത്തിന്റെ പല പ്രദേശങ്ങളിലും കനത്ത മഴയ്‍ക്ക് (Heavy rain) സാധ്യത. ബുധനാഴ്ച  വരെ  മുസന്ദം, വടക്കൻ അൽ ബത്തിന, തെക്കൻ അൽ ബത്തിന, മസ്‌കത്ത്, തെക്കൻ അൽ ശർഖിയ എന്നീ മേഖലകളില്‍ ഇടിയോടു കൂടിയ മഴയ്‍ക്ക് സാധ്യതയുണ്ടെന്ന് ഒമാന്‍ കാലാവസ്ഥാ നിരീക്ഷണ കേന്ദ്രം അറിയിച്ചു.

തിരമാലകൾ രണ്ടു മുതൽ മൂന്നു മീറ്റർ വരെ ഉയരത്തിൽ  ആഞ്ഞടിക്കുവാനും കടൽ പ്രക്ഷുബ്‌ധമാകാനും സാധ്യതയുണ്ട്. ശക്തമായ കാറ്റ് മൂലം മരുഭൂമിയിലും തുറസ്സായ പ്രദേശങ്ങളിലും പൊടിക്കാറ്റിന് സാധ്യതയുള്ളതിനാല്‍ വാഹനയാത്രക്കാര്‍ ജാഗ്രത പാലിക്കണമെന്ന് അധികൃതര്‍ പുറത്തിറക്കിയ ജാഗ്രതാ നിർദ്ദേശത്തിൽ പറയുന്നു. വാദികള്‍ മുറിച്ചുകടക്കരുതെന്നും താഴ്‍ന്ന പ്രദേശങ്ങളില്‍ നിന്ന് മാറി നില്‍ക്കണമെന്നും അധികൃതര്‍ ആവശ്യപ്പെട്ടിട്ടുണ്ട്. 

Follow Us:
Download App:
  • android
  • ios