27 മണിക്കൂറോളമാണ് രക്ഷാപ്രവര്ത്തനം നീണ്ടുനിന്നത്. കിണറില് കുടുങ്ങിയയാളെ രക്ഷപ്പെടുത്താനുള്ള എല്ലാ ശ്രമങ്ങളും നടത്തിയെങ്കിലും ജീവന് രക്ഷിക്കാനായില്ല.
റിയാദ്: സൗദിയില് നൂറ്റി നാല്പ്പത് മീറ്റര് ആഴമുള്ള കുഴല്ക്കിണറില് വീണ് ഇന്ത്യക്കാരന് മരിച്ചു. മരണപ്പെട്ട ഇന്ത്യക്കാരന്റെ മൃതദേഹം കുഴല്ക്കിണറില് നിന്ന് പുറത്തെടുത്തതായി സൗദി സിവില് ഡിഫന്സ് അധികൃതര് അറിയിച്ചു. മദീനയിലാണ് ദാരുണ സംഭവം ഉണ്ടായത്.
140 മീറ്റര് 35 സെന്റീമീറ്റര് വ്യാസവുമുള്ള കുഴല്ക്കിണറില് നിന്നും ഏറെ നേരത്തെ ശ്രമങ്ങള്ക്കൊടുവിലാണ് മൃതദേഹം സിവില് ഡിഫന്സ് സംഘം പുറത്തെടുത്തത്. കുഴല്ക്കിണറില് ഒരാള് കുടുങ്ങിയെന്ന റിപ്പോര്ട്ട് ലഭിച്ച ഉടന് തന്നെ മദീനയിലെ സിവില് ഡിഫന്സ് സംഘം സ്ഥലത്തെത്തി രക്ഷാപ്രവര്ത്തനം ആരംഭിച്ചെങ്കിലും ഇന്ത്യക്കാരന്റെ ജീവന് രക്ഷിക്കാനായില്ല.
കിണറിനുള്ളില് കുടുങ്ങിയയാളെ രക്ഷപ്പെടുത്താനായി ഫീല്ഡ് കമാന്ഡ് സെന്റര്, അത്യാധുനിക ഉപകരണങ്ങള് എന്നിവ ഉള്പ്പെടെ എല്ലാ സജ്ജീകരണങ്ങളും ഒരുക്കിയാണ് രക്ഷാപ്രവര്ത്തനം നടത്തിയതെന്ന് മേഖല സിവില് ഡിഫന്സ് വക്താവ് വ്യക്തമാക്കി. കിണറില് കുടുങ്ങിയയാളുടെ ആരോഗ്യസ്ഥിതി നിരീക്ഷിക്കാനായി പ്രത്യേക ക്യാമറ സജ്ജീകരണങ്ങളും, ഓക്സിജന് സംവിധാനവും ഏര്പ്പെടുത്തിയിരുന്നു. ഇന്ത്യക്കാരന് കുടുങ്ങിയ സ്ഥലത്തിന് സമാന്തരമായി മറ്റൊരു കിണര് കുഴിച്ചാണ് രക്ഷാപ്രവര്ത്തനം നടത്തിയത്. 27 മണിക്കൂറോളമാണ് രക്ഷാപ്രവര്ത്തനം നീണ്ടുനിന്നത്. കിണറില് കുടുങ്ങിയയാളെ രക്ഷപ്പെടുത്താനുള്ള എല്ലാ ശ്രമങ്ങളും നടത്തിയെങ്കിലും ജീവന് രക്ഷിക്കാനായില്ല. മരിച്ച ഇന്ത്യക്കാരനെ കുറിച്ചുള്ള കൂടുതല് വിവരങ്ങള് ലഭ്യമായിട്ടില്ല.
Read Also - മലയാളി ഫുട്ബോളർ സൗദിയില് നിര്യാതനായി
ചികിത്സയിലായിരുന്ന പ്രവാസി മലയാളി മരിച്ചു
റിയാദ്: പക്ഷാഘാതം പിടിപെട്ട്റിയാദിലെ ആശുപത്രിയിൽ തീവ്രപരിചരണ വിഭാഗത്തിലായിരുന്ന മലയാളി മരിച്ചു. എറണാകുളം പള്ളുരുത്തി സ്വദേശി ആഞ്ഞിലിയേട്ട് പറമ്പ് ഹൗസ്, കാറുകയിൽ വീട്ടിൽ പി. പ്രശാന്ത് (43) ആണ് റിയാദ് ശുമൈസി കിങ് സഊദ് ആശുപത്രിയിൽ മരിച്ചത്.
റിയാദിൽ നിന്ന് 650 കിലോമീറ്ററകലെ വാദി ദവാസിറിൽ ആട്ടോമൊബൈൽ മെക്കാനിക്കായി ജോലി ചെയ്തിരുന്ന ഇദ്ദേഹത്തിന് ശനിയാഴ്ചയാണ് അസുഖം ബാധിച്ചത്. ഉടൻ ദവാസിർ ജനറൽ ആശുപത്രിയിൽ പ്രവേശിപ്പിച്ചു. നില വഷളായതിനെ തുടർന്ന് ഞായറാഴ്ച എയർ ആംബുലൻസിൽ റിയാദിലെത്തിക്കുകയായിരുന്നു. തിങ്കളാഴ്ച രാത്രി 10ഓടെ മരിച്ചു. മൃതദേഹം ശുമൈസി ആശുപത്രി മോർച്ചറിയിലാണ്.
Read Also - പ്രവാസി വിദ്യാർഥി പനി ബാധിച്ച് മരിച്ചു
ഏഴ് വർഷമായി വാദി ദവാസിറിൽ ജോലി ചെയ്യുന്ന പ്രശാന്ത് ഒരു വർഷം മുമ്പാണ് അവധിക്ക് നാട്ടിൽ പോയി മടങ്ങിവന്നത്. പിതാവ്: അഞ്ഞിലിയേട്ട് പറമ്പ് വെളുത്ത പ്രകാശൻ, മാതാവ്: ജഗത പ്രകാശൻ, ഭാര്യ: സിമി പ്രശാന്ത്, മക്കൾ: സിദ്ധാർഥ് പ്രശാന്ത്, കാർത്തിക് പ്രശാന്ത്, പ്രതീക് പ്രശാന്ത്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം..
