നാട്ടില് നിന്നെത്തിയ മലയാളി ദുബൈ വിമാനത്താവളത്തില് വെച്ച് മരിച്ചു
വിമാനത്തില് വെച്ച് അസ്വസ്ഥത അനുഭവപ്പെട്ട അദ്ദേഹത്തിന് വിമാനം ലാന്റ് ചെയ്തതിന് പിന്നാലെ ചികിത്സ ലഭ്യമാക്കിയെങ്കിലും ജീവന് രക്ഷിക്കാനായില്ല.
ദുബൈ: നാട്ടില് നിന്ന് ദുബൈയില് എത്തിയ മലയാളി ദുബൈ അന്താരാഷ്ട്ര വിമാനത്താവളത്തില് മരിച്ചു. കണ്ണൂര് തെക്കീ ബസാര് മസ്ഹര് വീട്ടില് കെ.ടി.പി മഹ്മൂദ് ആണ് മരിച്ചത്. ബുധനാഴ്ച ഉച്ചയ്ക്ക് കൊച്ചിയില് നിന്ന് യാത്രതിരിച്ച അദ്ദേഹം ഉച്ചയോടെയാണ് ദുബൈ അന്താരാഷ്ട്ര വിമാനത്താവളത്തില് എത്തിയത്. വിമാനത്തില് വെച്ച് അസ്വസ്ഥത അനുഭവപ്പെട്ട അദ്ദേഹത്തിന് വിമാനം ലാന്റ് ചെയ്തതിന് പിന്നാലെ ചികിത്സ ലഭ്യമാക്കിയെങ്കിലും ജീവന് രക്ഷിക്കാനായില്ല. ഹൃദയാഘാതമാണ് മരണ കാരണം. ചെറുകുന്നിലെ പരേതരായ ഇ.ടി.പി അസൈനാറുടെയും നബീസയുടെയും മകനാണ്. ഭാര്യ - കെ.പി ജമീല. മക്കൾ - റിഫാസ്, റിയാസ, റിസ്വാൻ, റമീസ്. മരുമക്കൾ - ഡോ.അഫ്സൽ (ദുബായ്), അസീഫ, മിർസാന.
Read also: സൗദി അറേബ്യയില് മരിച്ച മലയാളിയുടെ മൃതദേഹം നടപടികള് പൂര്ത്തിയാക്കി സംസ്കരിച്ചു
ഒന്നര മാസമായി ചികിത്സയിലായിരുന്ന പ്രവാസി മലയാളി നിര്യാതനായി
റിയാദ്: സൗദി അറേബ്യയില് ചികിത്സയിലായിരുന്ന പ്രവാസി മലയാളി നിര്യാതനായി. റിയാദിലെ ആസ്റ്റര് സനദ് ആശുപത്രിയില് ഒന്നര മാസമായി ചികിത്സയിലായിരുന്ന തലശ്ശേരി വടക്കുമ്പാട് മസ്ജിദിന് സമീപം ചെങ്ങരയില് സി.കെ ഇസ്മയില് (55) ആണ് മരിച്ചത്. റിയാദില് ഹൗസ് ഡ്രൈവര് ആയി ജോലി ചെയ്യുകയായിരുന്നു.
ഭാര്യ - സഫീറ. മക്കള് - സഫ, ഇര്ഫാന്, മിസ്ബാഹ്. സഹോദരങ്ങള് - റഹ്മാന്, ഖാലിദ്, സുഹറ, റാബിയ, ഇസ്ഹാഖ്, സുനീറ, പരേതനായ ഉമ്മര്. സഹോദരന് ഇസ്ഹാഖ് ദുബൈയില് നിന്ന് റിയാദിലെത്തിയിട്ടുണ്ട്. റിയാദ് കെഎംസിസി വെല്ഫയര് വിങ് വൈസ് ചെയര്മാന് മഹബൂബ് ചെറിയവളപ്പിന്റെ നേതൃത്വത്തില് നടപടിക്രമങ്ങള് പൂര്ത്തിയാക്കി അല്റാജ്ഹി മസ്ജിദില് മയ്യിത്ത് നമസ്കാരത്തിന് ശേഷം നസീം ഖബര്സ്ഥാനില് ഖബറടക്കി.