Keralite Expat Died : ചികിത്സയിലിരുന്ന പ്രവാസി മലയാളി മരിച്ചു
എട്ടു വര്‍ഷമായി റിയാദില്‍ ഹൗസ് ഡ്രൈവറായി ജോലിചെയ്യുകയായിരുന്നു. നാല് വര്‍ഷമായി നാട്ടില്‍ പോയിട്ട്.
റിയാദ്: വൃക്കരോഗം മൂര്‍ച്ഛിച്ച് റിയാദിലെ(Riyadh) ആശുപത്രിയില്‍ ചികിത്സയിലിരുന്ന മലയാളി മരിച്ചു. കൊല്ലം മയ്യനാട് സ്വദേശി ഷാ അബ്ദുല്‍ മുത്തു (42) ആണ് പ്രിന്‍സ് അബ്ദുല്‍ അസീസ് ആശുപത്രിയില്‍ മരിച്ചത്. എട്ടു വര്‍ഷമായി റിയാദില്‍ ഹൗസ് ഡ്രൈവറായി ജോലിചെയ്യുകയായിരുന്നു. നാല് വര്‍ഷമായി നാട്ടില്‍ പോയിട്ട്. അബ്ദുല്‍ മുത്തുവാണ് പിതാവ്. മാതാവ്: സാബിറ ബീവി. ഭാര്യ: സുജിത. മക്കള്‍: ഫാത്തിമ ഷാന്‍, സെയ്ദ ഷാന്‍. മൃതദേഹം നാട്ടില്‍ കൊണ്ടുപോകും.
പ്രവാസി മലയാളി ഒമാനില്‍ മരിച്ചു
സലാല: പ്രവാസി മലയാളി ഒമാനില്‍(Oman) മരിച്ചു. തൃശൂര്‍ പോന്നൂര്‍ ശിവനട സ്വദേശി മുരിങ്ങാത്തേരി പൈലി പാവുവിന്റെ മകന്‍ ജോയ്(56)ആണ് സലാലയില്‍ മരിച്ചത്. നെഞ്ചുവേദനയെ തുടര്‍ന്നായിരുന്നു മരണം.
സലാലയിലെ സേഫ് വേ ട്രാന്‍സ്‌പോര്‍ട്ട് ആന്റ് ലോജിസ്റ്റിക്‌സ് കമ്പനിയില്‍ ജോലി ചെയ്യുകയായിരുന്നു. 2006ലാണ് ഇദ്ദേഹം സലാലയില്‍ എത്തുന്നത്. ഭാര്യ: ആനി, മക്കള്‍: ജിസ്‌ന ഷാന്റോ, ഹെല്‍ന, റോസ്‌ന റോസ്. സലാല സുല്‍ത്താന്‍ ഖാബൂസ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നിയമനടപടികള്‍ക്ക് ശേഷം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര്‍ അറിയിച്ചു.
