വിവാഹത്തിന് ദിവസങ്ങള് ശേഷിക്കെ പ്രവാസി മലയാളി യുവാവിനെ തൂങ്ങി മരിച്ച നിലയില് കണ്ടെത്തി. സഹം ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നടപടിക്രമങ്ങള് പൂര്ത്തിയായ ശേഷം നാട്ടിലേക്ക് കൊണ്ടുപോകും.
മസ്കറ്റ്: മലയാളി യുവാവ് ഒമാനില് തൂങ്ങി മരിച്ച നിലയില്. കൊല്ലം പരവൂര് പുതുകുളം പഞ്ചായത്തില് കൂനയില് സ്വദേശി അഭിലാഷിനെ(28)ആണ് ഒമാനിലെ സഹമില് തൂങ്ങി മരിച്ച നിലയില് കണ്ടെത്തിയത്. സഹമില ഒരു കുടിവെള്ള കമ്പനിയില് ജോലി ചെയ്ത് വരികയായിരുന്നു.
അഭിലാഷിന്റെ വിവാഹം ജൂണില് നടത്താനിരുന്നതാണ്. എന്നാല് കൊവിഡിന്റെ പശ്ചാത്തലത്തില് വിവാഹ തീയതി നീട്ടി വെക്കാനുള്ള തയ്യാറെടുപ്പിലായിരുന്നു ബന്ധുക്കള്. നാലുവര്ഷമായി ഒമാനില് താമസിക്കുകയാണ്. പിതാവ്: സജികുമാര്, മാതാവ്: ശാന്തകുമാരി. സഹം ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നടപടിക്രമങ്ങള് പൂര്ത്തിയായ ശേഷം നാട്ടിലേക്ക് കൊണ്ടുപോകും.