മഴയോടൊപ്പം ഇടിമിന്നലും പ്രതീക്ഷിക്കുന്നുണ്ട്. വ്യാഴാഴ്ച വരെ മഴ തുടരും.
കുവൈത്ത് സിറ്റി: കുവൈത്തിൽ അസ്ഥിരമായ കാലാവസ്ഥ വ്യാഴാഴ്ച വരെ തുടരുമെന്ന് കാലാവസ്ഥാ വകുപ്പ് അറിയിച്ചു. വകുപ്പ് ഡയറക്ടർ ധരാർ അൽ-അലി പറയുന്നതനുസരിച്ച് ഇന്നുമുതൽ രാജ്യത്ത് ഒറ്റപ്പെട്ട നേരിയ മഴ അനുഭവപ്പെടും. ഇത് ക്രമേണ നേരിയതോ മിതമായതോ ആയ മഴയിലേക്ക് ശക്തി പ്രാപിക്കുകയും വ്യാഴാഴ്ച രാവിലെ വരെ തുടരുകയും ചെയ്യും.
Read Also - കുവൈത്തിലെ റോഡുകളിൽ ഇനി തെറ്റായി യു-ടേൺ എടുത്താൽ പിഴയോടൊപ്പം വാഹനം പിടിച്ചെടുക്കും
ചില സമയങ്ങളിൽ മഴയോടൊപ്പം ഇടിമിന്നലുണ്ടാകാം. തെക്കുകിഴക്കൻ കാറ്റിനൊപ്പം മഴ പെയ്യുമെന്നും, ചില സമയങ്ങളിൽ ഇത് സജീവമാകുമെന്നും, ബുധനാഴ്ച വൈകുന്നേരം കനത്ത മൂടൽമഞ്ഞ് രൂപപ്പെടുമെന്നും ചില പ്രദേശങ്ങളിൽ ദൃശ്യപരത ഗണ്യമായി കുറയുമെന്നും അൽ-അലി വിശദീകരിച്ചു. ഉയർന്ന മർദ്ദ സംവിധാനം തിരിച്ചെത്തുന്നതോടെ മേഘങ്ങൾ കുറയുകയും മഴയുടെ സാധ്യത കുറയുകയും ചെയ്യും,.വ്യാഴാഴ്ച ഉച്ചകഴിഞ്ഞ് കാലാവസ്ഥ മെച്ചപ്പെടുമെന്ന് പ്രതീക്ഷിക്കുന്നു.
