റിയാദ്: സൗദി അറേബ്യയിൽ സ്വകാര്യ ഫാക്ടറിയിലെ ജോലിക്കിടെ മലയാളി യുവാവ് യന്ത്രത്തിൽ കുടുങ്ങി മരിച്ചു. പാലക്കാട് കൊപ്പം മുളയങ്കാവ് സ്വദേശി തട്ടാരത്ത് അബ്ദുല്‍ ഖാദര്‍ (31) ആണ് മരിച്ചത്. റിയാദിന് സമീപം അല്‍ഖര്‍ജിലെ സ്വകാര്യ കമ്പനിയിലാണ് ജോലി ചെയ്തിരുന്നത്. ഭാര്യ: ഷമീറ. കുട്ടികളില്ല. കുഞ്ഞിമുഹമ്മദിന്റെയും റുഖിയയുടെയും മകനാണ്. ഒമ്പത് വര്‍ഷമായി അദ്ദേഹം സൗദിയിലുണ്ട്. റിയാദ് സമസ്ത ഇസ്ലാമിക് സെന്ററിന്റെയും കെ.എം.സി.സിയുടെയും സജീവ പ്രവര്‍ത്തകനാണ്. മൃതദേഹം നാട്ടിൽ കൊണ്ടുപോകുന്നതിന് റിയാദിലുള്ള സഹോദരി ഭര്‍ത്താവ് സക്കീറും കെ.എം.സി.സി പ്രവര്‍ത്തകരും രംഗത്തുണ്ട്.