ആറ് വര്ഷമായി സൗദി അറേബ്യയില് നിന്ന് നാട്ടിൽ പോകാതിരുന്ന പ്രവാസി മലയാളി ഹൃദയാഘാതം മൂലം മരിച്ചു
റിയാദ്: ആറുവർഷമായി നാട്ടിൽ പോകാതിരുന്ന മലയാളി (malayali expat) റിയാദിൽ ഹൃദയാഘാതം (Heart attack) മൂലം മരിച്ചു. കോട്ടയം ചങ്ങനാശ്ശേരി ടി.ബി റോഡ് ജമീല മൻസിലിൽ അബ്ദുൽ ജബ്ബാർ (65) ആണ് റിയാദിലെ (Riyadh) ആശുപത്രിയിൽ മരിച്ചത്. ചൊവ്വാഴ്ച രാവിലെയായിരുന്നു മരണം.
Add Asianetnews as a Preferred Source
മൂന്ന് പതിറ്റാണ്ടായി സൗദിയിലുള്ള അബ്ദുൽ ജബ്ബാർ ആറ് വർഷം മുമ്പാണ് അവസാനമായി നാട്ടിൽ പോയത്. തിരിച്ചുവന്ന ശേഷം പിന്നീട് നാട്ടിലേക്ക് പോയിട്ടില്ല. കൊവിഡ് കാലമാണ് യാത്ര നീളാൻ ഇടയാക്കിയത്. പരേതനായ റഹ്മാൻ ഖാനാണ് പിതാവ്. മാതാവ്: അലിമാൽ ബീവി. ഭാര്യ: ജമീല. മക്കൾ: ജിബിൻ, സജിൻ, ഫറാജ്, ഹഫീസ് മുഹമ്മദ്.
മൃതദേഹം നാട്ടിലേക്ക് അയക്കുന്നതിനുള്ള നടപടികൾക്ക് കെ.എം.സി.സി വെൽഫെയർ വിങ് ചെയർമാൻ സിദ്ധിഖ് തുവൂർ, വൈസ് ചെയർമാൻ മെഹബൂബ് ചെറിയവളപ്പ്, കൊല്ലം ജില്ലാ സെക്രട്ടറി ഫിറോസ് ഖാൻ കൊട്ടിയം എന്നിവർ രംഗത്തുണ്ട്.
