ഗള്ഫ് രാജ്യങ്ങളിലെ നഴ്സിംഗ് ലൈസന്സിന് നോര്ക്ക റൂട്ട്സ് വഴി പരിശീലനം
ബിഎസ്സി നഴ്സിംഗും കുറഞ്ഞത് രണ്ട് വര്ഷത്തെ പ്രവര്ത്തി പരിചയവും ഉള്ള ഉദ്യോഗാര്ത്ഥികള്ക്ക് അപേക്ഷിക്കാവുന്നതാണ്. നഴ്സിംഗ് രംഗത്ത് കൂടുതല് പ്രവര്ത്തി പരിചയം ഉള്ളവര്ക്കും നോര്ക്ക റൂട്ട്സ് ഷോര്ട്ട് ലിസ്റ്റ് ചെയ്തിട്ടുള്ളവര്ക്കും മുന്ഗണന ലഭിക്കും.
തിരുവനന്തപുരം: വിദേശത്ത് തൊഴില് തേടുന്നവര്ക്ക് നൈപുണ്യം മെച്ചപ്പെടുത്തുന്നതിന് നഴ്സിംഗ് ഇന്സ്റ്റിറ്റ്യൂട്ട് ഫോര് കരിയര് എന്ഹാന്സ്മെന്റ് ( NICE ACADEMY) മുഖേന നോര്ക്ക റൂട്ട്സ് നൈപുണ്യ വികസന പരിശീലന പരിപാടി സംഘടിപ്പിക്കുന്നു. വിദേശ നഴ്സിംഗ് മേഖലകളിൽ തൊഴില് നേടുന്നതിന് അതത് രാജ്യങ്ങളിലെ സര്ക്കാര് ലൈസന്സിംഗ് പരീക്ഷ പാസാകേണ്ടതുണ്ട്.
HAAD/MOH/DHA/PROMETRIC/NHRA തുടങ്ങിയ പരീക്ഷകള് പാസാകുന്നതിന് കേരള സര്ക്കാര് സ്ഥാപനമായ കേരള അക്കാദമി ഫോര് സ്കില്സ് എക്സലന്സിന്റെ അംഗീകൃത സ്ഥാപനമായ നഴ്സിംഗ് ഇന്സ്റ്റിറ്റ്യൂട്ട് ഫോര് കരിയര് എന്ഹാന്സ്മെന്റ് (NICE) മുഖാന്തിരമാണ് നോര്ക്ക റൂട്ട്സ് പരിശീലനം നല്കുക.
പ്രവാസി സംരംഭങ്ങള്ക്ക് നോര്ക്ക റൂട്ട്സ് കാനറാ ബാങ്ക് വായ്പാ മേള ഈ ജില്ലകളിൽ...
ബിഎസ്സി നഴ്സിംഗും കുറഞ്ഞത് രണ്ട് വര്ഷത്തെ പ്രവര്ത്തി പരിചയവും ഉള്ള ഉദ്യോഗാര്ത്ഥികള്ക്ക് അപേക്ഷിക്കാവുന്നതാണ്. നഴ്സിംഗ് രംഗത്ത് കൂടുതല് പ്രവര്ത്തി പരിചയം ഉള്ളവര്ക്കും നോര്ക്ക റൂട്ട്സ് ഷോര്ട്ട് ലിസ്റ്റ് ചെയ്തിട്ടുള്ളവര്ക്കും മുന്ഗണന ലഭിക്കും. അപേക്ഷകരില് നിന്നും തിരഞ്ഞെടുക്കപ്പെടുന്ന 40 പേര്ക്കാണ് പരിശീലനം. കോഴ്സ് തുകയുടെ 75 ശതമാനം നോര്ക്ക വഹിക്കും. പട്ടിക ജാതി പട്ടിക വര്ഗ്ഗ ബി.പി.എല് വിഭാഗത്തില്പ്പെടുന്നവര്ക്ക് പരിശീലനം സൗജന്യമാണ്.
താല്പര്യമുള്ളവര് 2022 ആഗസ്റ്റ് 30 നു മുമ്പ് www.norkaroots.org വെബ്ലൈറ്റില് നല്കിയിട്ടുള്ള ലിങ്ക് മുഖേന രജിസ്റ്റര് ചെയ്യണമെന്ന് ചീഫ് എക്സിക്യൂട്ടീവ് ഓഫീസര് അറിയിച്ചു. കൂടുതല് വിവരങ്ങള്ക്ക് ടോള് ഫ്രീ നമ്പറായ 1800-425-3939 ല് ബന്ധപ്പെടാവുന്നതാണ്.
പ്രവാസികള്ക്ക് പരാതികള് നേരിട്ടറിയിക്കാന് സംവിധാനം
തിരുവനന്തപുരം: കേരളാ പോലീസും, സംസ്ഥാന സര്ക്കാറിന്റെ പ്രവാസികാര്യ വകുപ്പായ നോര്ക്കയും, വിദേശകാര്യ മന്ത്രാലയത്തിലെ പ്രൊട്ടക്ടര് ഓഫ് എമിഗ്രന്സും സംയുക്തമായി നടപ്പിലാക്കുന്ന ഓപ്പറേഷന് ശുഭയാത്രയുടെ ഭാഗമായി 24 മണിക്കൂറും പ്രവർത്തിക്കുന്ന ഹെൽപ്പ് ലൈൻ നമ്പരും ഇ മെയിൽ ഐഡികളും നിലവിൽവന്നു. കേരളാ പോലീസാണ് ഇവ സജ്ജമാക്കിയിട്ടുള്ളത്.
വിദേശരാജ്യത്തേയ്ക്കുളള അനധികൃത റിക്രൂട്ട്മെന്റുകള്, വീസ തട്ടിപ്പുകള് എന്നിവ സംബന്ധിച്ച് പ്രവാസി മലയാളികൾക്ക് ഇനി മുതൽ പരാതികള് നേരിട്ടറിയിക്കാം. spnri.pol@kerala.gov.in, dyspnri.pol@kerala.gov.in എന്നീ ഇ മെയിലുകള് വഴിയും, 0471-2721547 എന്ന ഹെല്പ്പ്ലൈന് നമ്പറിലും പ്രവാസികള്ക്ക് പരാതികള് നല്കാം.
തായ്ലന്ഡിലേക്ക് വ്യാജ റിക്രൂട്ട്മെന്റ്; ജാഗ്രത പുലര്ത്തണമെന്ന് ഇന്ത്യന് എംബസി
വീസ തട്ടിപ്പ് വിദേശത്തേയ്ക്കുളള തൊഴില് തട്ടിപ്പുകള് എന്നിവ ശ്രദ്ധയില്പെട്ടതിനെ തുടര്ന്ന് മുഖ്യമന്തി നോര്ക്ക റൂട്ടസ്, വിദേശകാര്യ മന്ത്രാലയത്തിലെ പ്രൊട്ടക്ടര് ഓഫ് എമിഗ്രന്സ്, കേരളാ പോലീസ് എന്നിവരുടെ സംയുക്ത യോഗം മുൻപ് വിളിച്ചിരുന്നു. ഇതേതുടര്ന്നാണ് ഓപ്പറേഷന് ശുഭയാത്ര നടപ്പിലാക്കാന് സംസ്ഥാന സര്ക്കാര് തീരുമാനിച്ചത്.