സൗദി അറേബ്യയിൽ കൊവിഡ് മുക്തരുടെ എണ്ണം ഉയർന്നു

രാജ്യത്ത് ഇതുവരെ റിപ്പോർട്ട് ചെയ്ത ആകെ കൊവിഡ് കേസുകളുടെ എണ്ണം 794,488 ആയി. ആകെ രോഗമുക്തരുടെ എണ്ണം 775,951 ആയി ഉയർന്നു. ആകെ കൊവിഡ് മരണസംഖ്യ 9,207 ആണ്. 

റിയാദ്: സൗദി അറേബ്യയിൽ കൊവിഡ് മുക്തരാവുന്നവരുടെ എണ്ണം പുതിയ കൊവിഡ് കേസുകളുടെ എണ്ണത്തെക്കാൾ മുകളിലായി. കഴിഞ്ഞ 24 മണിക്കൂറിനിടെ പുതിതായി 759 പേർക്ക് രോഗം സ്ഥിരീകരിച്ചപ്പോൾ നിലവില്‍ ചികിത്സയിലുണ്ടായിരുന്ന രോഗികളിൽ 997 പേരാണ് സുഖം പ്രാപിച്ചത്. രാജ്യത്തിന്റെ വിവിധ ഭാഗങ്ങളിലായി ഇന്ന് രണ്ട് കൊവിഡ് മരണങ്ങൾ കൂടി റിപ്പോർട്ട് ചെയ്തു. 

രാജ്യത്ത് ഇതുവരെ റിപ്പോർട്ട് ചെയ്ത ആകെ കൊവിഡ് കേസുകളുടെ എണ്ണം 794,488 ആയി. ആകെ രോഗമുക്തരുടെ എണ്ണം 775,951 ആയി ഉയർന്നു. ആകെ കൊവിഡ് മരണസംഖ്യ 9,207 ആണ്. രോഗബാധിതരിൽ 9,330 പേരാണ് ചികിത്സയിൽ കഴിയുന്നത്. ഇതിൽ 147 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ഭാഗങ്ങളിലെ ആശുപത്രികളിൽ തീവ്രപരിചരണ വിഭാഗത്തിൽ കഴിയുകയാണ്. 
കഴിഞ്ഞ 24 മണിക്കൂറിനിടെ 22,745 ആർ.ടി - പി.സി.ആർ പരിശോധനകൾ നടത്തി. റിയാദ് - 278, ജിദ്ദ - 103, ദമ്മാം - 63, ഹുഫൂഫ് - 43, ദഹ്റാൻ - 26, മക്ക - 24, മദീന - 22, ഖോബാർ - 15, അബഹ - 14, തായിഫ് - 11, ഖത്വീഫ് - 10, ജുബൈൽ - 8, ബുറൈദ - 7, ജീസാൻ - 7, അൽഖർജ് - 7, ഖമീസ് മുശൈത് - 6, നജ്റാൻ - 6, ഹായിൽ - 5, ഉനൈസ - 5, തബൂക്ക് - 4, മുബറസ് - 4, ദവാദ്മി - 3, സറാത് ഉബൈദ - 3, അൽറസ് - 3, സബ്‍യ - 3, ഹഫർ - 3, വാദി ദവാസിർ - 3 എന്നിങ്ങനെയാണ് രാജ്യത്തിന്റെ വിവിധ ഭാഗങ്ങളിൽ പുതിയ കൊവിഡ് കേസുകൾ റിപ്പോർട്ട് ചെയ്തത്.