ഒമാനില് പൊതു, സ്വകാര്യ മേഖലയ്ക്ക് ചെറിയ പെരുന്നാൾ അവധി പ്രഖ്യാപിച്ചു
വാരാന്ത്യ അവധി ദിവസങ്ങളുള്പ്പെടെ അഞ്ച് ദിവസമാണ് അവധി ലഭിക്കുക.
മസ്കറ്റ്: ഒമാനിൽ ചെറിയ പെരുന്നാൾ അവധി പ്രഖ്യാപിച്ചു. പൊതു, സ്വകാര്യ മേഖലയിലെ ജീവനക്കാർക്കുള്ള അവധിയാണ് പ്രഖ്യാപിച്ചത്.
ഏപ്രിൽ ഒമ്പത് ചൊവ്വാഴ്ച മുതൽ 11 വരെയാണ് പൊതു, സ്വകാര്യ മേഖലയിലെ ജീവനക്കാർക്ക് അവധി. അവധി കഴിഞ്ഞ് ഏപ്രിൽ 14 ഞായറാഴ്ച പ്രവൃത്തി ദിവസം പുനരാരംഭിക്കും. വാരാന്ത്യ അവധി ദിവസങ്ങളുള്പ്പെടെ അഞ്ച് ദിവസമാണ് അവധി ലഭിക്കുക.
Read Also - ഇന്ത്യക്കാരേ സുവര്ണാവസരം! 90 ദിവസം കാലാവധി, ഇനി എളുപ്പം പറക്കാം ഈ രാജ്യത്തേക്ക്, ഇ-വിസ പ്രഖ്യാപിച്ചു
ചെറിയ പെരുന്നാളിനോടനുബന്ധിച്ച് ഖത്തറില് അവധി പ്രഖ്യാപിച്ചിട്ടുണ്ട്. അമീരി ദിവാനാണ് അവധി പ്രഖ്യാപിച്ചത്. മന്ത്രാലയങ്ങള്, മറ്റ് സര്ക്കാര് സ്ഥാപനങ്ങള്, പൊതു സ്ഥാപനങ്ങള് എന്നിവയ്്ക്ക് ഏപ്രില് ഏഴ് ഞായറാഴ്ച മുതല് ഏപ്രില് 15 തിങ്കളാഴ്ച വരെ അവധി ആയിരിക്കും. ഏപ്രില് 16 ചൊവ്വാഴ്ചയാണ് പ്രവൃത്തി ദിവസം പുനരാരംഭിക്കുക.
അതേസമയം യുഎഇ സര്ക്കാര് പൊതുമേഖലാ ജീവനക്കാര്ക്ക് ഒരാഴ്ചത്തെ ചെറിയ പെരുന്നാള് അവധി പ്രഖ്യാപിച്ചിട്ടുണ്ട്. വാരാന്ത്യ അവധി ദിവസങ്ങള് കൂടി കണക്കിലെടുക്കുമ്പോള് ആകെ ഒമ്പത് ദിവസത്തെ നീണ്ട അവധിയാണ് ലഭിക്കുക.
ഞായറാഴ്ചയാണ് യുഎഇ സര്ക്കാര് പൊതുമേഖലാ ജീവനക്കാര്ക്ക് ചെറിയ പെരുന്നാള് അവധി പ്രഖ്യാപിച്ചത്. ഏപ്രില് എട്ട് തിങ്കളാഴ്ച മുതല് ഏപ്രില് 14 ഞായറാഴ്ച വരെയാണ് അവധി ലഭിക്കുക. ഏപ്രില് 15 മുതലാണ് പ്രവൃത്തി സമയം പുനരാരംഭിക്കുക. ശനിയും ഞായറും യുഎഇയില് ഔദ്യോഗിക വാരാന്ത്യ അവധി ദിവസങ്ങള് ആയതിനാല് ഫെഡറല് ഗവണ്മെന്റ് ജീവനക്കാര്ക്ക് ഒമ്പത് ദിവസത്തെ അവധി ലഭിക്കും. ശവ്വാല് ഒന്നിനാണ് ചെറിയ പെരുന്നാള് ആഘോഷിക്കുക. മാസപ്പിറവി ദൃശ്യമായാലും ഇല്ലെങ്കിലും ഏപ്രില് എട്ട് മുതല് അവധി ആരംഭിക്കും. രാജ്യത്ത് ഈ വർഷം ലഭിക്കുന്ന ഏറ്റവും ദൈർഘ്യമേറിയ അവധിയായിരിക്കുമിത്. പൊതുമേഖലാ ജീവനക്കാര്ക്ക് ഒരാഴ്ച നീളുന്ന ചെറിയ പെരുന്നാള് അവധി ഷാര്ജയും ദുബൈയും പ്രഖ്യാപിച്ചിട്ടുണ്ട്.
യുഎഇയിൽ സ്വകാര്യമേഖലയിൽ ജോലി ചെയ്യുന്നവര്ക്ക് നാലു ദിവസം പെരുന്നാൾ അവധി ലഭിക്കും. റമദാൻ 29 തിങ്കൾ (ഏപ്രിൽ 8) മുതൽ ശവ്വാൽ 3 വരെയാണ് അവധി ലഭിക്കുക. മാസപ്പിറവിയുടെ അടിസ്ഥാനത്തിൽ ശമ്പളത്തോടെയുള്ള അവധി ദിനങ്ങൾ നാലോ അഞ്ചോ ലഭിക്കും.
ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം...