പ്രവാസികളെ ഒഴിവാക്കുന്നു; സീബ് സെന്ട്രല് മാര്ക്കറ്റിലെ വ്യാപാര പ്രവർത്തനങ്ങൾ സ്വദേശികൾക്ക് മാത്രം
പ്രവാസി ജീവനക്കാർക്കാരെ ഒഴിവാക്കി, സ്വദേശികൾക്ക് പരിശീലനം നൽകികൊണ്ട് ഇതിനായുള്ള നടപടികളില് പുരോഗമിച്ചുവരികയാണ്.
മസ്കത്ത്: ഒമാനിലെ സീബ് സെന്ട്രല് മാര്ക്കറ്റിലെ വ്യാപാര പ്രവർത്തനങ്ങൾ സ്വദേശികൾക്ക് മാത്രമായി പരിമിതപ്പെടുത്തുന്നു. ഇത് സംബന്ധിച്ച് മസ്കത്ത് നഗരസഭ പ്രസ്താവന പുറത്തിറക്കി. സ്വദേശിവത്കരണത്തിന്റെ ഭാഗമായാണ് നടപടി. പ്രവാസി ജീവനക്കാർക്കാരെ ഒഴിവാക്കി, സ്വദേശികൾക്ക് പരിശീലനം നൽകികൊണ്ട് ഇതിനായുള്ള നടപടികളില് പുരോഗമിച്ചുവരികയാണ്. 2022 ജനുവരി 1 മുതലായിരിക്കും സീബ് സൂക്കിലെ വ്യാപാര പ്രവർത്തനങ്ങൾ പൂർണമായും സ്വദേശികളിൽ മാത്രം പരിമിതപ്പെടുത്തുന്ന നടപടി പ്രാബല്യത്തില് വരുന്നത്.