ദോ​ഹ മെ​ട്രോയ്ക്ക് അത്യപൂർവ നേട്ടം, ആറു വർഷത്തിനിടെ യാത്ര ചെയ്തത് 22.8 കോടിയിലേറെ പേർ

മെട്രോയെ കൂടുതൽ ജനകീയമാക്കിയത് 2022 ഫിഫ ലോകകപ്പ് ഫുട്‌ബോളാണ്. 

over 228 million passengers travelled through doha metro

ദോഹ: പൊ​തു ഗ​താ​ഗ​ത​ത്തി​ൽ ഖ​ത്ത​റി​ന്റെ നാഴികക്കല്ലായ ദോ​ഹ മെ​ട്രോ അത്യപൂർവ നേട്ടവുമായി കുതിപ്പ് തു​ട​രു​ന്നു. സ​ർ​വി​സ് ആ​രം​ഭി​ച്ച് ആ​റു വ​ർ​ഷം പി​ന്നി​ടു​മ്പോ​ൾ ദോ​ഹ മെ​ട്രോയിലെ യാ​ത്രക്കാരുടെ എണ്ണം 22.84 കോ​ടി കടന്നു. ക​ഴി​ഞ്ഞ ഒ​രു വ​ർ​ഷം​ മാത്രം മെ​ട്രോ​യി​ൽ സ​ഞ്ച​രി​ച്ച​ത് 2.84 കോ​ടി യാ​ത്ര​ക്കാ​രാ​ണ്. 

ഖത്തറിൽ യാത്രക്കാർക്ക് മെട്രോയോടുള്ള പ്രിയമാണ് ഇത് സൂചിപ്പിക്കുന്നത്. ചു​രു​ങ്ങി​യ കാ​ലം​കൊ​ണ്ട് രാ​ജ്യ​ത്തി​ന്റെ ഏ​റ്റ​വും പ്ര​ധാ​ന പൊ​തു​ഗ​താ​ഗ​ത സം​വി​ധാ​ന​മാ​യി ദോ​ഹ മെ​ട്രോ​യെ ​ജ​ന​ങ്ങ​ൾ ഏ​​റ്റെ​ടു​ത്ത​തി​ന്റെ അ​ട​യാ​ള​മാ​​ണ് റെ​ക്കോ​ഡ് യാ​ത്ര​ക്കാ​രു​ടെ എ​ണ്ണം. 2019 മേ​യ് മാ​സ​ത്തി​ലാണ് ദോഹ മെട്രോ സേവനം ആ​രം​ഭി​ച്ചത്. 2023 ജ​നു​വ​രി​യി​ൽ പ​ത്ത് കോ​ടി യാ​ത്ര​ക്കാ​ർ എ​ന്ന റെ​ക്കോ​ഡി​ലെ​ത്തി​. മൂ​ന്ന​ര വ​ർ​ഷം കൊ​ണ്ടാ​യി​രു​ന്നു ഈ ​നേ​ട്ട​മെ​ങ്കി​ൽ അടുത്ത പത്ത് കോടി യാത്രക്കാരെന്ന നേട്ടത്തിലെത്താൽ എടുത്ത സമയം രണ്ട് വർഷത്തിൽ താഴെയാണ്. 

2022 ഫിഫ ലോകകപ്പ് ഫുട്‌ബോളാണ് മെട്രോയെ കൂടുതൽ ജനകീയമാക്കിയത്. ലോകത്തിന്റെ വിവിധ ഭാഗങ്ങളിൽ നിന്നെത്തിയ ആരാധകർ യാത്രക്ക് പ്രധാനമായും ഉപയോഗപ്പെടുത്തിയിരുന്നത് മെട്രോ സർവീസ് ആയിരുന്നു. ലോ​ക​ക​പ്പ് ഫു​ട്ബാ​ളിനോടൊപ്പം ഖത്തർ ആതിഥേയത്വം വഹിച്ച ഏ​ഷ്യ​ൻ ക​പ്പ് ഉ​ൾ​​പ്പെ​ടെയുള്ള മറ്റ് അ​ന്താ​രാ​ഷ്ട്ര കാ​യി​ക മ​ത്സ​ര​ങ്ങ​ൾ, വി​വി​ധ രാ​ജ്യ​ന്ത​ര സ​മ്മേ​ള​ന​ങ്ങ​ളും സാം​സ്കാ​രി​ക പ​രി​പാ​ടി​ക​ളും, ​പെ​രു​ന്നാ​ൾ ആ​ഘോ​ഷ​ങ്ങ​ളും ഉ​ൾ​പ്പെ​ടെ ജ​ന​ങ്ങ​ൾ ഒ​ഴു​കി​യെ​ത്തി​യ​പ്പോ​ഴെ​ല്ലാം ഗതാഗത തിരക്ക് ഒഴിവാക്കാൻ ഏ​റെ​​പേ​രും യാ​ത്ര​യ്ക്കായി ദോ​ഹ മെ​ട്രോ​ ഉ​പ​യോ​ഗ​പ്പെ​ടു​ത്തി.

മൂന്നു ലൈനുകളിലായി 37 സ്റ്റേ​ഷ​നു​ക​ളുള്ള ദോഹ മെട്രോ ഖ​ത്ത​റി​ലെ പ്ര​ധാ​ന ന​ഗ​ര​ങ്ങ​ളെ​യെ​ല്ലാം ബ​ന്ധി​പ്പി​ക്കു​ന്നു. മെട്രോ സ്റ്റേഷനുകളിൽ നിന്നും ഏതാനും കിലോമീറ്റർ ചുറ്റളവിലുള്ള ഉ​ൾ​​പ്ര​ദേ​ശ​ങ്ങ​ളിലേയും ജ​ന​വാ​സ മേ​ഖ​ല​ക​ളിലേയും യാത്രക്കാരെ ബന്ധിപ്പിക്കുന്നതിനായി ഖത്തർ റെയിൽ സൗജന്യമായി ഒരുക്കിയ ബസ് സർവീസ് ശൃംഖലയായ മെ​ട്രോ ലി​ങ്കും, മെ​ട്രോ എ​ക്സ്പ്ര​സ് സ​ർ​വീ​സു​ക​ളും ദോഹ മെ​ട്രോയെ ജ​ന​കീ​യ പൊ​തു​ഗ​താ​ഗ​ത​മാ​ക്കി മാറ്റുന്നു.

അ​പ​ക​ട​ങ്ങ​ക​ളോ, തടസ്സങ്ങ​ളോ ഇ​ല്ലാ​തെ തു​ട​ർ​ച്ച​യാ​യ സേ​വ​ന വ​ർ​ഷ​ങ്ങ​ൾ എ​ന്ന റെ​ക്കോ​ഡും ദോ​ഹ മെ​ട്രോ​ക്ക് സ്വ​ന്തമാണ്. 99.84 ശ​ത​മാ​നം കൃ​ത്യ​നി​ഷ്ഠ​ത​യുള്ള ദോ​ഹ മെ​ട്രോയുടെ അ​പ​ക​ട സാ​ധ്യ​താ നി​ര​ക്ക് 0.01 ശ​ത​മാ​ന​മാ​യാ​ണ് ക​ണ​ക്കാ​ക്കു​ന്ന​ത്. ഇത് രാ​ജ്യ​ത്ത് മെ​ട്രോ സ​ർ​വീ​സി​ന്റെ വി​ശ്വാ​സ്യ​ത​യും സ്വീ​കാ​ര്യ​ത​യു​മെ​ല്ലാം വ​ർ‍ധി​ച്ചു​വ​രു​ന്ന​തി​ന് കാരണമാണ്.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം