ജി.സി.സി രാജ്യങ്ങളില് നിന്ന് ദുബൈയിലെത്തുന്നവര് മുന്കൂര് കൊവിഡ് പരിശോധന നടത്തേണ്ടതില്ല
ദുബൈ അന്താരാഷ്ട്ര വിമാനത്താവളത്തിലും ദുബൈ വേള്ഡ് സെന്ട്രല് വിമാനത്താവളത്തിലും എത്തുന്നവര്ക്ക് മാത്രമാണ് ഈ ആനുകൂല്യം. യുഎഇയിലെ മറ്റ് വിമാനത്താവളങ്ങളില് പഴയ രീതി തന്നെ തുടരും.
ദുബൈ: ഗള്ഫ് രാജ്യങ്ങളില് നിന്നെത്തുന്നവര് മുന്കൂര് കൊവിഡ് പി.സി.ആര് പരിശോധന നടത്തേണ്ടതില്ലെന്ന് ദുബൈയിലെ എയര്പോര്ട്ട് കണ്ട്രോള് സെന്റര് അറിയിച്ചു. പകരം ദുബൈയിലെത്തിയ ശേഷം ഇവര് കൊവിഡ് പരിശോധന നടത്തിയാല് മതിയാവും.
ദുബൈ അന്താരാഷ്ട്ര വിമാനത്താവളത്തിലും ദുബൈ വേള്ഡ് സെന്ട്രല് വിമാനത്താവളത്തിലും എത്തുന്നവര്ക്ക് മാത്രമാണ് ഈ ആനുകൂല്യം. യുഎഇയിലെ മറ്റ് വിമാനത്താവളങ്ങളില് പഴയ രീതി തന്നെ തുടരും. സൗദി അറേബ്യ, കുവൈത്ത്, ബഹ്റൈന്, ഒമാന് എന്നീ രാജ്യങ്ങളിലെത്തുന്നവര്ക്ക് ദുബൈയില് എത്തിയ ശേഷം കൊവിഡ് പരിശോധന നടത്താനുള്ള അവസരം ഉപയോഗപ്പെടുത്താം. താമസ വിസയുള്ളവര്ക്കും ഈ സൗകര്യം ലഭിക്കും. അതേസമയം ഹത്ത അതിര്ത്തിവഴി കരമാര്ഗം യുഎഇയിലേക്ക് പ്രവേശിക്കുന്നവര്ക്കും ഇത് ബാധകമല്ല. കരമാര്ഗം വരുന്നവര് 96 മണിക്കൂറിനിടെയുള്ള കൊവിഡ് പി.സി.ആര് പരിശോധനാ ഫലം ഹാജരാക്കണം.