കൊവിഡ് പ്രതിരോധ നിബന്ധനകള് ലംഘിച്ചു; ഖത്തറില് 184 പേര്ക്കെതിരെ നടപടി
രാജ്യത്ത് കൊവിഡ് നിയന്ത്രണങ്ങളില് ഇളവ് നല്കിക്കൊണ്ടുള്ള ക്യാബിനറ്റ് തീരുമാനത്തിന് അനുസൃതമായാണ് നടപടി സ്വീകരിച്ചതെന്ന് അധികൃതര് അറിയിച്ചു. അടച്ചിട്ട പൊതുസ്ഥലങ്ങളില് മാസ്ക് ധരിക്കുന്നത് തുടരണമെന്നാണ് നിലവിലെ നിര്ദേശം. അതേസമയം തുറസായ പൊതുസ്ഥലങ്ങളില് ഇപ്പോള് മാസ്ക് നിര്ബന്ധവുമില്ല.
ദോഹ: ഖത്തറില് കൊവിഡ്(covid 19) നിയന്ത്രണങ്ങള് ലംഘിക്കുന്നവര്ക്കെതിരെ ആഭ്യന്തര മന്ത്രാലയം(Ministry of Interior) നടപടികള് ശക്തമാക്കുന്നത് തുടരുന്നു. നിയമം ലംഘിച്ച 184 പേര് കൂടി പിടിയിലായതായി അധികൃതര് അറിയിച്ചു. ഇവരില് 183 പേരും മാസ്ക്(Mask) ധരിക്കാത്തതിനാണ് നടപടി നേരിട്ടത്.
മൊബൈലില് ഇഹ്തിറാസ് ആപ്ലിക്കേഷന് ഇല്ലാതിരുന്നതിന് ഒരാളെയും പിടികൂടി.എല്ലാവരെയും തുടര് നടപടികള്ക്കായി പ്രോസിക്യൂഷന് കൈമാറി. കൊവിഡ് നിയന്ത്രണങ്ങള് ലംഘിച്ചതിന് ഖത്തറില് ഇതുവരെ ആയിരക്കണക്കിന് പേരെ ആഭ്യന്തര മന്ത്രാലയത്തിലെ ഉദ്യോഗസ്ഥര് പിടികൂടി പ്രോസിക്യൂഷന് കൈമാറിയിട്ടുണ്ട്.
രാജ്യത്ത് കൊവിഡ് നിയന്ത്രണങ്ങളില് ഇളവ് നല്കിക്കൊണ്ടുള്ള ക്യാബിനറ്റ് തീരുമാനത്തിന് അനുസൃതമായാണ് നടപടി സ്വീകരിച്ചതെന്ന് അധികൃതര് അറിയിച്ചു. അടച്ചിട്ട പൊതുസ്ഥലങ്ങളില് മാസ്ക് ധരിക്കുന്നത് തുടരണമെന്നാണ് നിലവിലെ നിര്ദേശം. അതേസമയം തുറസായ പൊതുസ്ഥലങ്ങളില് ഇപ്പോള് മാസ്ക് നിര്ബന്ധവുമില്ല. എന്നാല് പ്രത്യേകമായി സംഘടിപ്പിക്കപ്പെടുന്ന പരിപാടികളില് മാസ്ക് ധരിക്കണം. ഇതിന് പുറമെ പള്ളികള്, സ്കൂളുകള്, യൂണിവേഴ്സിറ്റികള്, ആശുപത്രികള് എന്നിവിടങ്ങളിലും മാസ്ക് നിര്ബന്ധമാണ്.
മാസ്ക് ധരിക്കാത്തതുമായി ബന്ധപ്പെട്ട നിയമലംഘനങ്ങള്ക്ക് സാംക്രമിക രോഗങ്ങള് തടയുന്നതിനുള്ള 1990ലെ 17-ാം നമ്പര് ഉത്തരവ് പ്രകാരമാണ് നടപടിയെടുക്കുക. ഇതുവരെ ആയിരക്കണക്കിന് പേരെയാണ് ഇത്തരത്തില് അധികൃതര് പിടികൂടി തുടര് നടപടികള്ക്കായി പ്രോസിക്യൂഷന് കൈമാറിയിട്ടുള്ളതെന്ന് ആരോഗ്യ മന്ത്രാലയം പുറത്തിറക്കിയ പ്രസ്താവനയില് അറിയിച്ചു. നിലവിലുള്ള കൊവിഡ് നിയന്ത്രണങ്ങള് പാലിച്ച് സമൂഹത്തിലെ രോഗവ്യാപനം നിയന്ത്രിക്കാന് സഹകരിക്കണമെന്ന് അധികൃതര് പൊതുജനങ്ങളോട് ആവശ്യപ്പെട്ടു.
ദോഹ വിമാനത്താവളത്തില് നഗ്നരാക്കി പരിശോധന; അധികൃതര്ക്കെതിരെ നിയമ നടപടിയുമായി സ്ത്രീകള്
കൊവിഡ്: ഖത്തറില് രോഗമുക്തരുടെ എണ്ണത്തില് നേരിയ കുറവ്
ദോഹ: ഖത്തറില്(Qatar) 146 പേര്ക്ക് കൂടി കൊവിഡ്(covid) സ്ഥിരീകരിച്ചതായി പൊതുജനാരോഗ്യ മന്ത്രാലയം ചൊവ്വാഴ്ച(നവംബര് 16) അറിയിച്ചു. 89 പേര് കൂടി രാജ്യത്ത് രോഗമുക്തി നേടി. ആകെ 239,054 പേരാണ് ആകെ രോഗമുക്തി നേടിയിട്ടുള്ളത്.
പുതിയതായി സ്ഥിരീകരിച്ച കൊവിഡ് കേസുകളില് 120 പേര് സ്വദേശികളും 26 പേര് വിദേശത്ത് നിന്ന് മടങ്ങിയെത്തിയവരുമാണ്. കൊവിഡ് ബാധിച്ച് പുതിയതായി മരണങ്ങളൊന്നും റിപ്പോര്ട്ട് ചെയ്തിട്ടില്ല. 611 പേരാണ് ഖത്തറില് ആകെ കൊവിഡ് ബാധിച്ച് മരിച്ചത്. ആകെ 241,378 പേര്ക്കാണ് രാജ്യത്ത് കൊവിഡ് സ്ഥിരീകരിച്ചിട്ടുള്ളത്. നിലവില് 1,713 പേര് കൊവിഡ് ബാധിച്ച് ചികിത്സയിലുണ്ട്. 18,115 കൊവിഡ് പരിശോധനകള് കൂടി പുതിയതായി നടത്തി. ഇതുവരെ 2,917,525 കൊവിഡ് പരിശോധനകളാണ് ഖത്തറില് നടത്തിയിട്ടുള്ളത്. കഴിഞ്ഞ 24 മണിക്കൂറിനിടെ കൊവിഡ് ബാധിച്ച് ഒരാളെ തീവ്രപരിചരണ വിഭാഗത്തില് പ്രവേശിപ്പിച്ചു.