Qatar Covid Report : ഖത്തറില് കൊവിഡ് കേസുകള് ഉയരുന്നു; 741 പുതിയ രോഗികള് കൂടി
പുതിയതായി സ്ഥിരീകരിച്ച കൊവിഡ് കേസുകളില് 533 പേര്ക്ക് സമ്പര്ക്കത്തിലൂടെയും 208 പേര് വിദേശത്ത് നിന്ന് മടങ്ങിയെത്തിയവരാണ്. കൊവിഡ് ബാധിച്ച് പുതിയതായി ഒരു മരണം റിപ്പോര്ട്ട് ചെയ്തു.
ദോഹ: ഖത്തറില് (Qatar) 741 പേര്ക്ക് കൂടി കൊവിഡ്(covid) സ്ഥിരീകരിച്ചതായി പൊതുജനാരോഗ്യ മന്ത്രാലയം വെള്ളിയാഴ്ച അറിയിച്ചു. ചികിത്സയിലായിരുന്ന 182 പേര് കൂടി രാജ്യത്ത് രോഗമുക്തി നേടി. ആകെ 2,45, 530 പേരാണ് ഇതുവരെ രോഗമുക്തരായിട്ടുള്ളത്.
പുതിയതായി സ്ഥിരീകരിച്ച കൊവിഡ് കേസുകളില് 533 പേര്ക്ക് സമ്പര്ക്കത്തിലൂടെയും 208 പേര് വിദേശത്ത് നിന്ന് മടങ്ങിയെത്തിയവരാണ്. കൊവിഡ് ബാധിച്ച് പുതിയതായി ഒരു മരണം റിപ്പോര്ട്ട് ചെയ്തു. 618 പേരാണ് ഖത്തറില് ആകെ കൊവിഡ് ബാധിച്ച് മരിച്ചത്. ആകെ 2,50,528 പേര്ക്കാണ് രാജ്യത്ത് കൊവിഡ് സ്ഥിരീകരിച്ചിട്ടുള്ളത്.
നിലവില് 4,380 പേര് കൊവിഡ് ബാധിച്ച് ചികിത്സയിലുണ്ട്. 29,978 കൊവിഡ് പരിശോധനകള് കൂടി പുതിയതായി നടത്തി. ഇതുവരെ 3,174,433 കൊവിഡ് പരിശോധനകളാണ് ഖത്തറില് നടത്തിയിട്ടുള്ളത്. കഴിഞ്ഞ 24 മണിക്കൂറിനിടെ കൊവിഡ് ബാധിച്ച് മൂന്നു പേരെ കൂടി തീവ്രപരിചരണ വിഭാഗത്തില് പ്രവേശിപ്പിച്ചു. നിലവില് 25 പേരാണ് തീവ്രപരിചരണ വിഭാഗങ്ങളില് കഴിയുന്നത്.