ഖത്തറില് പുതിയ കൊവിഡ് കേസുകള് നൂറില് താഴെ മാത്രം
പുതിയതായി സ്ഥിരീകരിച്ച കൊവിഡ് കേസുകളില് 74 പേര്ക്കും സമ്പര്ക്കത്തിലൂടെയാണ് രോഗം പകര്ന്നത്. കൊവിഡ് ബാധിച്ച് പുതിയതായി മരണങ്ങളൊന്നും റിപ്പോര്ട്ട് ചെയ്തിട്ടില്ല.
ദോഹ: ഖത്തറില് 74 പേര്ക്ക് കൂടി കൊവിഡ് സ്ഥിരീകരിച്ചതായി പൊതുജനാരോഗ്യ മന്ത്രാലയം ബുധനാഴ്ച അറിയിച്ചു. ചികിത്സയിലായിരുന്ന 138 പേര് കൂടി രാജ്യത്ത് രോഗമുക്തി നേടി. ആകെ 3,62,232 പേരാണ് ഇതുവരെ രോഗമുക്തരായിട്ടുള്ളത്.
പുതിയതായി സ്ഥിരീകരിച്ച കൊവിഡ് കേസുകളില് 74 പേര്ക്കും സമ്പര്ക്കത്തിലൂടെയാണ് രോഗം പകര്ന്നത്. കൊവിഡ് ബാധിച്ച് പുതിയതായി മരണങ്ങളൊന്നും റിപ്പോര്ട്ട് ചെയ്തിട്ടില്ല. 677 പേരാണ് ഖത്തറില് ആകെ കൊവിഡ് ബാധിച്ച് മരിച്ചത്. ആകെ 3,63,828 പേര്ക്കാണ് രാജ്യത്ത് കൊവിഡ് സ്ഥിരീകരിച്ചിട്ടുള്ളത്.
നിലവില് 919 പേര് കൊവിഡ് ബാധിച്ച് ചികിത്സയിലുണ്ട്. 12,606 കൊവിഡ് പരിശോധനകള് കൂടി പുതിയതായി നടത്തി. ഇതുവരെ 3,423,677 കൊവിഡ് പരിശോധനകളാണ് ഖത്തറില് നടത്തിയിട്ടുള്ളത്. കഴിഞ്ഞ 24 മണിക്കൂറിനിടെ കൊവിഡ് ബാധിച്ച് ആരെയും തീവ്രപരിചരണ വിഭാഗത്തില് പ്രവേശിപ്പിച്ചിട്ടില്ല. നിലവില് ഒരാളാണ് തീവ്രപരിചരണ വിഭാഗത്തില് കഴിയുന്നത്.