സൗദിയിൽ 61 പേർക്ക് കൂടി കൊവിഡ് സ്ഥിരീകരിച്ചു
കൊവിഡ് വിവരങ്ങള്ക്കുവേണ്ടിയുള്ള ആരോഗ്യ മന്ത്രാലയത്തിന്റെ പ്രത്യേക വെബ്സൈറ്റാണ് തിങ്കളാഴ്ച രാവിലെ 9.50ഓടെ ഇക്കാര്യം അറിയിച്ചത്.
റിയാദ്: സൗദി അറേബ്യയിൽ 61 പേർക്ക് കൂടി പുതിയതായി കൊവിഡ് 19 വൈറസ് ബാധ സ്ഥിരീകരിച്ചു. കൊവിഡ് വിവരങ്ങള്ക്കുവേണ്ടിയുള്ള ആരോഗ്യ മന്ത്രാലയത്തിന്റെ പ്രത്യേക വെബ്സൈറ്റാണ് തിങ്കളാഴ്ച രാവിലെ 9.50ഓടെ ഇക്കാര്യം അറിയിച്ചത്. ഇതോടെ രാജ്യത്ത് ആകെ രോഗബാധിതരുടെ എണ്ണം 2463 ആയി.
ഞായറാഴ്ച രാത്രി 17 പേർക്ക് കൂടി കൊവിഡ് സ്ഥിരീകരിച്ചിരുന്നു. രാജ്യത്ത് ആകെ രോഗം സ്ഥിരീകരിച്ചവരിൽ 1941 പേർ ചികിത്സയിൽ തുടരുന്നു. 488 പേർ സുഖം പ്രാപിച്ചു. 34 പേർ മരണത്തിന് കീഴടങ്ങി. ചികിത്സയിലുള്ളവരിൽ 39 പേർ തീവ്രപരിചരണ വിഭാഗത്തിലാണ്.