ഒഡിഷ ട്രെയിൻ ദുരന്തം; സൽമാൻ രാജാവും മുഹമ്മദ് ബിൻ സൽമാനും അനുശോചനമറിയിച്ചു
രാഷ്ട്രപതി ദ്രൗപതി മുർമുവിനയച്ച സന്ദേശത്തിലാണ് ഇരുവരുടെ തങ്ങളുടെ അനുശോചനവും ദുഃഖവും അറിയിച്ചത്.
റിയാദ്: ഒഡിഷയിലുണ്ടായ ട്രെയിൻ ദുരന്തത്തിൽ മരിച്ചവർക്ക് സൗദി ഭരണാധികാരി സൽമാൻ രാജാവും കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാനും അനുശോചനമറിയിച്ചു. രാഷ്ട്രപതി ദ്രൗപതി മുർമുവിനയച്ച സന്ദേശത്തിലാണ് ഇരുവരും തങ്ങളുടെ അനുശോചനവും ദുഃഖവും അറിയിച്ചത്. 'ഇന്ത്യയിലെ ഒഡീഷ സംസ്ഥാനത്ത് ട്രെയിനുകൾ കൂട്ടിയിടിച്ച വാർത്തയും സംഭവത്തിൽ നൂറുകണക്കിനാളുകൾ മരിച്ചതും നിരവധി പേർക്ക് പരിക്കേറ്റതായും അറിഞ്ഞു. മരിച്ചവരുടെ കുടുംബങ്ങൾക്കും ബന്ധുക്കൾക്കും അനുശോചനം അറിയിക്കുന്നു. പരിക്കേറ്റവർ വേഗത്തിൽ സുഖം പ്രാപിക്കട്ടെ' - സൽമാൻ രാജാവും മുഹമ്മദ് ബിൻ സൽമാനും സന്ദേശത്തിൽ പറഞ്ഞു.
Read also: പത്തു വയസുകാരൻ മകനെയും സഹോദരനെയും തേടി ആശുപത്രികൾ കയറിയിറങ്ങുന്ന ഒരു അമ്മ, തീരാനോവായി അർച്ചന
ഒഡിഷ ട്രെയിന് അപകടത്തില് രാഷ്ട്രപതിയെ അനുശോചനം അറിയിച്ച് ഒമാന് ഭരണാധികാരി
മസ്കറ്റ്: ഒഡിഷയിലെ ട്രെയിന് അപകടത്തില് അനുശോചനം അറിയിച്ച് ഒമാന് ഭരണാധികാരി സുല്ത്താന് ഹൈതം ബിന് താരിഖ്. ദുരന്തത്തില് മരിച്ചവരുടെ കുടുംബാംഗങ്ങളെയും ഇന്ത്യയിലെ ജനങ്ങളെയും അനുശോചനം അറിയിക്കുന്നുവെന്ന് രാഷ്ട്രപതി ദ്രൗപതി മുര്മുവിന് അയച്ച സന്ദേശത്തില് സുല്ത്താന് ഹൈതം ബിന് താരിഖ് അറിയിച്ചു. പരിക്കേറ്റവര് എത്രയും വേഗം സുഖപ്പെടട്ടെ എന്നും അദ്ദേഹം ആശംസിച്ചു.
ഏഷ്യാനെറ്റ് ന്യൂസ് ലൈവ് യുട്യൂബില് കാണാം...