Asianet News Malayalam

സൗദി അറേബ്യയിൽ തുറമുഖങ്ങളിലെ ജോലികളിലും സ്വദേശിവത്‍കരണം

കരാർ കാലയളവിൽ 900ത്തിലധികം ജോലികൾ സ്വദേശിവത്കരിക്കുക, ​തൊഴിൽ പരിശീലന വേളയിൽ വേതനം നൽകുക, തൊഴിൽ വിപണിയിലെ സ്വദേശികളായ യുവാക്കളുടെയും യുവതികളുടെയും കഴിവുകളും അഭിലാഷവുമനുസരിച്ച് ജോലിക്ക്​ പ്രാപ്‍തരാക്കുക എന്നിവ കരാറില്‍ ഉൾപ്പെടും.

saudisation agreement signed for jobs in ports
Author
Riyadh Saudi Arabia, First Published Mar 31, 2021, 8:24 PM IST
  • Facebook
  • Twitter
  • Whatsapp

റിയാദ്: സൗദി തുറമുഖങ്ങളിലെ ജോലികളും സ്വദേശിവത്​കരിക്കുന്നു. തുറമുഖങ്ങളിലെ വിവിധ പ്രവർത്തനങ്ങൾ നടത്തുന്ന സ്വകാര്യ കമ്പനികളിലാണ് സ്വദേശി പൗരന്മാർക്കായി ജോലി സംവരണം ഏർപ്പെടുത്താൻ നിയമമായത്. ദമ്മാമിലെ കിങ് അബ്‍ദുൽ അസീസ്​ തുറമുഖത്ത്​ ഇതിനു തുടക്കമായി​. 

സൗദി ഇൻറർനാഷണൽ പോർട്ട്​ കമ്പനി, അൽസാമിൽ മറൈൻ സർവീസസ്​ കമ്പനി, സൗദി ഡെവലപ്പ്മെന്റ്​, എക്സ്‍പോർട്ട്​ സർവീസ് കമ്പനി എന്നീ കമ്പനികളുടെ ജോലികൾ സ്വദേശിവത്കരിക്കാനുള്ള കരാറിൽ ഒപ്പുവെച്ചു. ഓപ്പറേഷൻ വിഭാഗങ്ങളിലെ 39 തൊഴിൽ മേഖലകളാണ് സ്വദേശിവത്‍കരിക്കുന്നത്. കരാർ കാലയളവിൽ 900ത്തിലധികം ജോലികൾ സ്വദേശിവത്കരിക്കുക, ​തൊഴിൽ പരിശീലന വേളയിൽ വേതനം നൽകുക, തൊഴിൽ വിപണിയിലെ സ്വദേശികളായ യുവാക്കളുടെയും യുവതികളുടെയും കഴിവുകളും അഭിലാഷവുമനുസരിച്ച് ജോലിക്ക്​ പ്രാപ്‍തരാക്കുക എന്നിവ കരാറില്‍ ഉൾപ്പെടും.

Follow Us:
Download App:
  • android
  • ios