വാഹനം ഇല്ലാത്തവർക്കും ട്രാഫിക് പിഴ, ഖത്തറിൽ വ്യാജ സന്ദേശം അയച്ച് തട്ടിപ്പ്

ആഭ്യന്തര മന്ത്രാലയത്തിൽ നിന്നെന്ന വ്യാജേനയാണ് മെസ്സേജ് ലഭിച്ചത്

qatar scam

ദോഹ: ഖത്തറിൽ ട്രാഫിക് പിഴയുടെ പേരിൽ വ്യാജ സന്ദേശം അയച്ച് തട്ടിപ്പ് നടത്താൻ ശ്രമം. ആഭ്യന്തര മന്ത്രാലയത്തിൽ നിന്നെന്ന വ്യാജേനയാണ് പലർക്കും മെസ്സേജ് ലഭിച്ചത്. 'നി​ങ്ങ​ളു​ടെ വാ​ഹ​ന​ത്തി​ന്റെ പേ​രി​ൽ ​ഗ​താ​ഗ​ത നി​യ​മ​ലം​ഘ​ന​ത്തി​ന് പി​ഴ​യു​ണ്ട്. അ​ധി​ക പി​ഴ ഒ​ഴി​വാ​ക്കു​ന്ന​തി​നാ​യി ഉ​ട​ൻ ത​ന്നെ താ​ഴെ​ കാ​ണു​ന്ന ലി​ങ്ക് വ​ഴി പ​ണം അ​ട​ച്ചു തീ​ർ​ക്ക​ണ​മെ​ന്ന' മു​ന്ന​റി​യി​പ്പു​മാ​യാ​ണ് എ​സ്.​എം.​എ​സ് സ​ന്ദേ​ശ​ങ്ങ​ൾ ല​ഭി​ച്ച​ത്. വാ​ഹ​നം ഇ​ല്ലാ​ത്ത​വ​ർ​ക്കും ഇത്തരത്തിൽ സന്ദേശങ്ങൾ ലഭിച്ചു. 

ആ​ധി​കാ​രി​ക​മെ​ന്ന് തോ​ന്നി​പ്പി​ക്കും വി​ധത്തിലുള്ള സ​ന്ദേ​ശ​ത്തി​ൽ പ​ണ​മ​ട​ക്കാ​ൻ ആ​വ​ശ്യ​പ്പെ​ട്ട് അയച്ച ലിങ്ക്, ആ​ഭ്യ​ന്ത​ര​ മ​ന്ത്രാ​ല​യം വെ​ബ്സൈ​റ്റി​നെ അ​നു​ക​രി​ച്ചു​കൊണ്ട് ഏ​താ​നും അ​​ക്ഷ​ര​ങ്ങ​ളു​ടെ മാ​റ്റം മാത്രമു​ള്ളതായിരുന്നു. ചി​ല​ർ​ക്ക് സ​ർ​ക്കാ​റി​ന്റെ​ കേ​ന്ദ്രീ​കൃ​ത വെ​ബ്സൈ​റ്റാ​യ ഹു​കൂ​മി (https://hukoomi.gov.qa) യു​മാ​യി സാ​മ്യ​ത​യു​ള്ള യുആ​ർഎ​ൽ ഉ​പ​യോ​ഗി​ച്ചാ​ണ് ത​ട്ടി​പ്പു​കാ​ർ സ​ന്ദേ​ശം അ​യ​ച്ച​ത്. ആ​ഭ്യ​ന്ത​ര ​മ​ന്ത്രാ​ല​യ​ത്തി​നു കീ​ഴി​ലെ മെ​ട്രാ​ഷ് ആ​പ്പി​ന്റെ യുആ​ർഎ​ൽ എന്ന് തെറ്റുധരിപ്പിക്കുന്ന തരത്തിലും മെസ്സേജുകൾ ചിലർക്ക് ലഭിക്കുന്നുണ്ട്. 

ബാങ്കുകളുടെ പേരിലും തട്ടിപ്പ് എസ് എം എസുകൾ സജീവമാണ്. പ്ര​ധാ​ന ബാ​ങ്കു​ക​ളി​ലൊ​ന്നാ​യ ഖത്തർ നാഷണൽ ബാങ്കിന്റെ (ക്യു.​എ​ൻ.​ബി​) പേ​രി​ലാ​ണ് വ്യാ​ജ സ​ന്ദേ​ശം പ​ര​ക്കു​ന്ന​ത്. 'നി​ങ്ങ​ളു​ടെ പേ​രി​ലെ ബോ​ണ​സ് പോ​യ​ന്റു​ക​ൾ മൂ​ന്ന് ദി​വ​സ​ത്തി​നു​ള്ളി​ൽ കാ​ലാ​വ​ധി ക​ഴി​യും. ഉ​ട​ൻ ഉ​പ​യോ​ഗി​ച്ച് സാ​മ്പ​ത്തി​ക ലാ​ഭം നേ​ടാ​മെ​ന്ന' സന്ദേശമയച്ചാ​ണ് വ്യാ​ജ വെ​ബ്സൈ​റ്റ് യുആ​ർഎ​ൽ ത​ട്ടി​പ്പു​കാ​ർ ഉ​പ​യോ​ഗി​ക്കു​ന്ന​ത്. എ​ന്നാ​ൽ, ഇ​ത്ത​രം ത​ട്ടി​പ്പു​ക​ൾ​ക്കെ​തി​രെ ജാ​ഗ്ര​ത പാ​ലി​ക്ക​ണ​മെ​ന്ന് അ​ധി​കൃ​ത​ർ നേരെത്തെ നിരന്തരം മു​ന്ന​റി​യി​പ്പു ന​ൽ​കിയിട്ടുണ്ട്. എ​സ്​എംഎ​സ്, മൊ​ബൈ​ൽ ഫോ​ൺ വി​ളി​ക​ൾ, ഇ ​മെ​യി​ൽ തു​ട​ങ്ങി​യവയിലൂടെ ത​ട്ടി​പ്പു​കാ​രു​ടെ കെ​ണി​ക​ളി​ൽ വീ​ണ് വ്യ​ക്തി​ഗ​ത വി​വ​ര​ങ്ങ​ൾ കൈ​മാ​റ​രു​തെന്ന് അധികൃതർ ഓർ​മി​പ്പി​ച്ചു.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം