സ്ഥലത്തെത്തിയ നുവൈസീബ് അഗ്നിശമനാ യൂണിറ്റും സുരക്ഷാ ഉദ്യോഗസ്ഥരും ചേര്ന്ന് രക്ഷാപ്രവര്ത്തനത്തിന് നേതൃത്വം നല്കി. പരിക്കേറ്റവരെ ആശുപത്രിയില് പ്രവേശിപ്പിച്ചു.
കുവൈത്ത് സിറ്റി: കുവൈത്തിലുണ്ടായ വാഹനാപകടത്തില് രണ്ട് പേര് മരിച്ചു. രണ്ട് ഖത്തര് പൗരന്മാരാണ് മരിച്ചത്. കിങ് ഫഹദ് റോഡില് നുവൈസീബ് അതിര്ത്തിക്ക് സമീപമാണ് അപകടമുണ്ടായത്. സ്ഥലത്തെത്തിയ നുവൈസീബ് അഗ്നിശമനാ യൂണിറ്റും സുരക്ഷാ ഉദ്യോഗസ്ഥരും ചേര്ന്ന് രക്ഷാപ്രവര്ത്തനത്തിന് നേതൃത്വം നല്കി. പരിക്കേറ്റവരെ ആശുപത്രിയില് പ്രവേശിപ്പിച്ചു.
മണല് മോഷണം; കുവൈത്തില് പ്രവാസികള് അറസ്റ്റില്
കുവൈത്ത് സിറ്റി: മണല് മോഷ്ടിച്ച പ്രവാസികള് കുവൈത്തില് അറസ്റ്റിലായി. കുവൈത്ത് മുനിസിപ്പാലിറ്റിയുടെ സഹകരണത്തോടെ ആഭ്യന്തര മന്ത്രാലയം നടത്തിയ പരിശോധനയിലാണ് വഫ്റ ഏരിയയില് നിന്ന് ഒരു ആഫ്രിക്കന് പൗരനും സഹായികളും പിടിയിലായതെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു. മണല് മോഷ്ടിക്കുന്ന വീഡിയോ ദൃശ്യങ്ങള് നേരത്തെ തന്നെ സാമൂഹിക മാധ്യമങ്ങളില് വൈറലായിരുന്നു. പിടിയിലായവരെ തുടര് നടപടികള്ക്കായി ബന്ധപ്പെട്ട വിഭാഗങ്ങള്ക്ക് കൈമാറി.
സോഷ്യല് മീഡിയ താരത്തിന്റെ ഉല്ലാസ നൗകയില് റെയ്ഡ്; വന് മദ്യശേഖരം പിടിച്ചു
വ്യാപക പരിശോധന തുടരുന്നു; വെള്ളിയാഴ്ച അറസ്റ്റ് ചെയ്തത് നിരവധി പ്രവാസികളെ
കുവൈത്ത് സിറ്റി: കുവൈത്തില് നിയമലംഘകരായ പ്രവാസികളെ കണ്ടെത്താനായി വ്യാപക പരിശോധന തുടരുന്നു. ശുവൈഖിലെ ഫ്രൈഡേ മാര്ക്കറ്റില് സുരക്ഷാ ഉദ്യോഗസ്ഥര് കഴിഞ്ഞ ദിവസം നടത്തിയ പരിശോധനയില് 62 പ്രവാസികളാണ് അറസ്റ്റിലായത്. തുടര് നടപടികള് സ്വീകരിക്കാനായി ഇവരെ ബന്ധപ്പെട്ട വിഭാഗങ്ങള്ക്ക് കൈമാറി.
അനധികൃത താമസക്കാരെ കണ്ടെത്താനുള്ള പരിശോധനകള് കുവൈത്തിന്റെ വിവിധ ഭാഗങ്ങളില് പുരോഗമിക്കുകയാണ്. ഓരോ ദിവസവും നിരവധിപ്പേരാണ് അധികൃതരുടെ പിടിയിലാവുന്നത്. തൊഴില് നിയമങ്ങള് ലംഘിച്ച് ജോലി ചെയ്യുന്ന ഗാര്ഹിക തൊഴിലാളികള് ഉള്പ്പെടെയുള്ളവരും പിടിയിലായിട്ടുണ്ട്. പരിശോധനകളില് പിടിക്കപ്പെടുന്നവരെ പിന്നീട് കുവൈത്തില് പ്രവേശിക്കാന് സാധിക്കാത്ത തരത്തില് വിലക്കേര്പ്പെടുത്തി നാടുകടത്തുകയാണ് ചെയ്യുന്നത്.
നേരത്തെ കൊവിഡ് പ്രതിസന്ധി കാരണം വിമാനത്താവളങ്ങള് അടച്ചിട്ടിരുന്ന സമയത്ത് പരിശോധനകള് നിര്ത്തിവെച്ചിരുന്നു. ആ സമയത്ത് രേഖകള് ശരിയാക്കി താമസം നിയമവിധേയമാക്കാനുള്ള അനുമതിയും നല്കിയിരുന്നു. എന്നാല് കൊവിഡ് പ്രതിസന്ധി നീങ്ങി വിമാനത്താവളങ്ങള് തുറന്നത് മുതല് ശക്തമായ പരിശോധനയാണ് രാജ്യത്തിന്റെ വിവിധ ഭാഗങ്ങളില് നടന്നുവരുന്നത്. ആയിരക്കണക്കിന് പ്രവാസികളെ ഇതിനോടകം തന്നെ പിടികൂടി നാടുകടത്തുകയും ചെയ്തു.
