രാജ്യത്ത് ചികിത്സയിലായിരുന്ന 1,159 കൊവിഡ് രോഗികള് കഴിഞ്ഞ 24 മണിക്കൂറിനിടെ രോഗമുക്തരായി. കഴിഞ്ഞ 24 മണിക്കൂറിനിടെ പുതിയ കൊവിഡ് മരണങ്ങളൊന്നും രാജ്യത്ത് റിപ്പോര്ട്ട് ചെയ്യപ്പെട്ടിട്ടില്ല.
അബുദാബി: യുഎഇയില് പുതിയ കൊവിഡ് കേസുകളുടെ എണ്ണം കുറയുന്നു. രാജ്യത്തെ ആരോഗ്യ - പ്രതിരോധ മന്ത്രാലയം പുറത്തുവിട്ട ഔദ്യോഗിക കണക്കുകള് പ്രകാരം ഇന്ന് രാജ്യത്ത് 1,216 പേര്ക്കാണ് കൊവിഡ് വൈറസ് ബാധ സ്ഥിരീകരിച്ചത്.
രാജ്യത്ത് ചികിത്സയിലായിരുന്ന 1,159 കൊവിഡ് രോഗികള് കഴിഞ്ഞ 24 മണിക്കൂറിനിടെ രോഗമുക്തരായി. കഴിഞ്ഞ 24 മണിക്കൂറിനിടെ പുതിയ കൊവിഡ് മരണങ്ങളൊന്നും രാജ്യത്ത് റിപ്പോര്ട്ട് ചെയ്യപ്പെട്ടിട്ടില്ല. പുതിയതായി നടത്തിയ 3,13,381 കൊവിഡ് പരിശോധനകളില് നിന്നാണ് രാജ്യത്തെ പുതിയ രോഗികളെ കണ്ടെത്തിയത്.
ഇതുവരെയുള്ള കണക്കുകള് പ്രകാരം ആകെ 9,89,220 പേര്ക്ക് യുഎഇയില് കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില് 9,68,209 പേര് ഇതിനോടകം തന്നെ രോഗമുക്തരായി. 2,334 പേരാണ് രാജ്യത്ത് ആകെ കൊവിഡ് ബാധിച്ച് മരണപ്പെട്ടത്. നിലവില് 18,677 കൊവിഡ് രോഗികളാണ് രാജ്യത്തുള്ളത്.
യുഎഇയില് ലഭിച്ചത് 27 വര്ഷത്തിനിടയിലെ ഏറ്റവും വലിയ മഴ
ഡ്രൈവിങിനിടെ മൊബൈല് ഉപയോഗം; ഒരു ലക്ഷത്തിലേറെ പേര്ക്ക് പിഴ ചുമത്തിയതായി പോലീസ്
അബുദാബി: ഡ്രൈവിങിനിടെ മൊബൈല് ഫോണ് ഉപയോഗിച്ചതിന് 105,300 പേര്ക്കെതിരെ നടപടിയെടുത്തതായി അബുദാബി പോലീസ് അറിയിച്ചു. ഈ വര്ഷം ആറുമാസത്തിനിടെയാണ് ഇത്രയും പേര്ക്ക് പിഴ ചുമത്തിയത്. ഡ്രൈവിങിനിടെ ഫോണ് കയ്യില് പിടിച്ച് സംസാരിക്കുക, മെസേജ് അയയ്ക്കുക, സാമൂഹിക മാധ്യമങ്ങളില് ചാറ്റ് ചെയ്യുക, ഇന്റര്നെറ്റില് സെര്ച്ച് ചെയ്യുക, ഫോട്ടോ അല്ലെങ്കില് വീഡിയോ എടുക്കുക എന്നിവ ഉള്പ്പെടെയുള്ള നിയമലംഘനങ്ങള്ക്കാണ് പിഴ ചുമത്തിയത്.
മന്ത്രവാദ സാമഗ്രികളുമായെത്തിയ യാത്രക്കാരന് ദുബൈ വിമാനത്താവളത്തില് പിടിയില്
ഓരോരുത്തരുടെയും നിയമലംഘനങ്ങള് കൃത്യമായി രേഖപ്പെടുത്തിയാണ് പിഴ ചുമത്തിയതെന്ന് അബുദാബി ഡയറക്ടറേറ്റ് ഓഫ് ട്രാഫിക് ആന്ഡ് പട്രോള് ഡയറക്ടര് മേജര് മുഹമ്മദ് ദാഹി അല് ഹുമിരി പറഞ്ഞു. 800 ദിര്ഹമാണ് ഡ്രൈവിങ്ങിനിടെയുള്ള മൊബൈല് ഫോണ് ഉപയോഗത്തിന് ചുമത്തിയ പിഴ. ലൈസന്സില് നാല് ബ്ലാക് മാര്ക്കും രേഖപ്പെടുത്തും. സീറ്റ്ബെല്റ്റ്, അമിതവേഗത എന്നിവയും സ്മാര്ട് പട്രോളിന്റെ പിടിയില് വീഴും. ക്യാമറയും ആധുനിക റഡാറുകളും ഘടിപ്പിച്ച സ്മാര്ട് പട്രോള് വാഹനങ്ങളിലൂടെ നിയമലംഘനം കണ്ടെത്തുമ്പോള് തന്നെ പിഴ ഈടാക്കി ആ വിവരം ഡ്രൈവര്മാര്ക്ക് മൊബൈല് ഫോണില് ലഭ്യമാക്കും.
