രാജ്യത്ത് ചികിത്സയിലായിരുന്ന 673 കൊവിഡ് രോഗികള് കഴിഞ്ഞ 24 മണിക്കൂറിനിടെ രോഗമുക്തരായി. കഴിഞ്ഞ 24 മണിക്കൂറിനിടെ രാജ്യത്ത് ഒരു കൊവിഡ് മരണം കൂടി റിപ്പോര്ട്ട് ചെയ്തു.
അബുദാബി: യുഎഇയില് പുതിയ കൊവിഡ് കേസുകളുടെ എണ്ണം കുറയുന്നു. രാജ്യത്തെ ആരോഗ്യ - പ്രതിരോധ മന്ത്രാലയം പുറത്തുവിട്ട ഔദ്യോഗിക കണക്കുകള് പ്രകാരം ഇന്ന് രാജ്യത്ത് 703 പേര്ക്കാണ് കൊവിഡ് വൈറസ് ബാധ സ്ഥിരീകരിച്ചത്. കഴിഞ്ഞ കുറേ ദിവസങ്ങളായി യുഎഇയില് പ്രതിദിന കൊവിഡ് കേസുകള് ആയിരത്തില് താഴെ റിപ്പോര്ട്ട് ചെയ്യുന്നത് തുടരുകയാണ്.
രാജ്യത്ത് ചികിത്സയിലായിരുന്ന 673 കൊവിഡ് രോഗികള് കഴിഞ്ഞ 24 മണിക്കൂറിനിടെ രോഗമുക്തരായി. കഴിഞ്ഞ 24 മണിക്കൂറിനിടെ രാജ്യത്ത് ഒരു കൊവിഡ് മരണം കൂടി റിപ്പോര്ട്ട് ചെയ്തു. പുതിയതായി നടത്തിയ 2,61,318 കൊവിഡ് പരിശോധനകളില് നിന്നാണ് രാജ്യത്തെ പുതിയ രോഗികളെ കണ്ടെത്തിയത്.
യുഎഇയില് ഏഴ് കോടിയുടെ സമ്മാനത്തിന് അര്ഹനായി വിദേശി
ഇതുവരെയുള്ള കണക്കുകള് പ്രകാരം ആകെ 1,007,742 പേര്ക്ക് യുഎഇയില് കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില് 9,86,102 പേര് ഇതിനോടകം തന്നെ രോഗമുക്തരായി. 2,341 പേരാണ് രാജ്യത്ത് ആകെ കൊവിഡ് ബാധിച്ച് മരണപ്പെട്ടിട്ടുള്ളത്. നിലവില് 19,299 കൊവിഡ് രോഗികളാണ് രാജ്യത്തുള്ളത്.
ദുബൈ ജബല് അലി തുറമുഖത്തെ തീപിടുത്തം; ഇന്ത്യക്കാരനുള്പ്പെടെ അഞ്ച് പേര് കുറ്റക്കാരെന്ന് കോടതി
ദുബൈ: ദുബൈയിലെ ജബല് അലി തുറമുഖത്തുണ്ടായ തീപിടുത്തത്തില് ഇന്ത്യക്കാരനുള്പ്പെടെ അഞ്ച് പേര് കുറ്റക്കാരാണെന്ന് കോടതി. തീപിടിച്ച കപ്പലിന്റെ ക്യാപ്റ്റനായിരുന്ന ഇന്ത്യക്കാരന്, ഷിപ്പിങ്, മറൈന്, ട്രേഡിങ്, കാര്ഗോ കമ്പനികളുടെ ചുമതലകള് വഹിച്ചിരുന്ന നാല് പാകിസ്ഥാന് സ്വദേശികള് എന്നിവരാണ് ശിക്ഷിക്കപ്പെട്ടത്. ഇവരുടെ അശ്രദ്ധയാണ് തീപിടുത്തത്തിന് കാരണമായതെന്ന് കോടതി കണ്ടെത്തി. ഇവര്ക്ക് ഒരു മാസം വീതം ജയില് ശിക്ഷയും ഒരു ലക്ഷം ദിര്ഹം വീതം പിഴയും കോടതി വിധിച്ചു.
ഒരു ഷിപ്പിങ് കമ്പനിക്കും രണ്ട് കാര്ഗോ കമ്പനികള്ക്കും ഒരു മറൈസ് സര്വീസസ് സ്ഥാപനത്തിനും ഒരു ട്രേഡിങ് കമ്പനിക്കും ഒരു ലക്ഷം ദിര്ഹം വീതം കോടതി പിഴ ചുമത്തിയിട്ടുണ്ട്. കഴിഞ്ഞ വര്ഷം ജൂലൈയിലാണ് ജബല് അലി തുറമുഖത്ത് ചരക്കുകപ്പലില് പൊട്ടിത്തെറിയും തീപിടുത്തവുമുണ്ടായത്. കപ്പലില് കയറ്റിയ 640 ബാരല് ഓര്ഗാനിക് പെറോക്സൈഡ് ആണ് തീപിടുത്തത്തിന് കാരണമായത്. വേണ്ടത്ര ശ്രദ്ധയില്ലാതെ ഇത് തുറമുഖത്ത് സൂക്ഷിച്ചതാണ് അപകടത്തിന് കാരണമായത്. ഉത്പന്നം രാസ മാറ്റങ്ങള്ക്ക് വിധേയമാവുകയും കണ്ടെയ്നറിനുള്ളിലെ മര്ദം വര്ദ്ധിച്ച് പൊട്ടിത്തെറിക്കും തീപിടുത്തത്തിനും കാരണമാവുകയും ചെയ്തുവെന്ന് സംഭവം അന്വേഷിച്ച വിദഗ്ധ സമിതി കണ്ടെത്തിയതിനെ തുടര്ന്നാണ് നടപടി. കണ്ടെയ്നറുകള് കപ്പലിലേക്ക് മാറ്റിയ സമയത്താണ് ചോര്ച്ചയുണ്ടായത്. 40 ഡിഗ്രിയിലേറെയായിരുന്ന അന്തരീക്ഷ താപനിലയും അപകടത്തിലേക്ക് നയിച്ച കാരണങ്ങളുടെ ആഘാതം വര്ദ്ധിപ്പിച്ചു.
