മസാച്യുസെറ്റ്സ് ജനറല് ഹോസ്പിറ്റലിലെ (എംജിഎച്ച്) ഗവേഷകര് പ്രശസ്തമായ പര്യവേഷകന്റെ ആരോഗ്യത്തെക്കുറിച്ചും മുമ്പത്തേതും സമാനമായതുമായ പര്യവേഷണങ്ങളിലുള്ളവരുടെ ആരോഗ്യത്തെക്കുറിച്ചും പരിശോധിച്ചു. തുടര്ന്ന് അവരുടെ ആരോഗ്യത്തെ ഷാക്കിള്ട്ടനുമായി താരതമ്യം ചെയ്തു.
ലണ്ടന്: സര് ഏണസ്റ്റ് ഷാക്കിള്ട്ടന്റെ മരണത്തിന് നൂറുവര്ഷത്തെ പഴക്കമുണ്ട്. എന്നാല് അതിനു പിന്നിലെ നിഗൂഢത ഇന്നുമൊഴിയുന്നില്ല. സമുദ്രപര്യവേക്ഷകനായിരുന്ന ഏണസ്റ്റ് ഷാക്കിള്ട്ടണിന്റെ മരണത്തെക്കുറിച്ച് പഠിക്കുന്ന ഒരു സംഘം ഒരു പുതിയ സിദ്ധാന്തം അവതരിപ്പിച്ചിരിക്കുന്നു. അതാണിപ്പോള് വലിയ വാര്ത്ത. ദക്ഷിണധ്രുവയാത്ര നടത്തിയ അന്റാര്ട്ടിക്ക് പര്യവേക്ഷകനായിരുന്നു അദ്ദേഹത്തിന് ബാധിച്ച രോഗത്തെക്കുറിച്ചാണ് ഇപ്പോള് വെളിപ്പെടുന്നത്. ഷാക്കിള്ട്ടണ് മരിച്ചിട്ട് ഇപ്പോള് നൂറു വര്ഷമാവുകയാണ്. ആ സമയത്ത് അദ്ദേഹത്തെ ബാധിച്ചിരുന്ന രോഗത്തെപ്പറ്റി പിന്നീട് ആധുനികകാലത്ത് ഏറെ ചര്ച്ച ചെയ്യപ്പെട്ടിരുന്നു. ആ രോഗം വലിയൊരു രഹസ്യമായിരുന്നു. അതായത് അത് ദക്ഷിണധ്രുവയാത്രക്കാരെ പിന്നോട്ടു നയിച്ചൊരു രഹസ്യമായിരുന്നു. അതാണിപ്പോള് വെളിപ്പെടുന്നത്. 1901-ലാണ് സംഭവം ആരംഭിക്കുന്നത്. ദക്ഷിണധ്രുവത്തിലേക്കുള്ള യാത്ര പൂര്ത്തിയാക്കാന് കഴിയാതെ അന്റാര്ട്ടിക്ക് പര്യവേക്ഷകന് നാട്ടിലേക്ക് മടങ്ങേണ്ടിവന്നു. അദ്ദേഹത്തിന് പിടിപ്പെട്ട രോഗം 'ബെറിബെറി', അഥവാ നോട്ട് സ്കര്വി ആയിരുന്നുവെന്നാണ് പുതിയ പഠനങ്ങളിലെ അവകാശവാദങ്ങള്.
മസാച്യുസെറ്റ്സ് ജനറല് ഹോസ്പിറ്റലിലെ (എംജിഎച്ച്) ഗവേഷകര് പ്രശസ്തമായ പര്യവേഷകന്റെ ആരോഗ്യത്തെക്കുറിച്ചും മുമ്പത്തേതും സമാനമായതുമായ പര്യവേഷണങ്ങളിലുള്ളവരുടെ ആരോഗ്യത്തെക്കുറിച്ചും പരിശോധിച്ചു. തുടര്ന്ന് അവരുടെ ആരോഗ്യത്തെ ഷാക്കിള്ട്ടനുമായി താരതമ്യം ചെയ്തു. ആരോഗ്യം വഷളായതിനെത്തുടര്ന്ന് അന്റാര്ട്ടിക്ക് പര്യവേക്ഷകന് പലതവണ നാട്ടിലേക്ക് മടങ്ങേണ്ടിവന്നു, മുന് സിദ്ധാന്തങ്ങള് സൂചിപ്പിക്കുന്നത് സ്കര്വിയുമായോ അല്ലെങ്കില് അപായകരമായ ഹൃദയവൈകല്യത്തോടോ ഇതിന് ബന്ധപ്പെട്ടിരിക്കുന്നുവെന്നായിരുന്നു. യുഎസ് ഗവേഷകര് പറയുന്നത് തങ്ങളുടെ കണ്ടെത്തലുകള് സൂചിപ്പിക്കുന്നത് ബ്രിട്ടീഷ് പര്യവേക്ഷകന് ഗുരുതരവും ജീവന് ഭീഷണിയുമായ ബെറിബെറി എന്ന അത്യപൂര്വ്വ രോഗം ബാധിച്ചതാണെന്നാണ്. എന്നാല് ചരിത്രകാരന്മാര് ഇത് അംഗീകരിക്കുന്നില്ല. ചരിത്രകാരന്മാര് പരമ്പരാഗതമായി ഷാക്കിള്ട്ടന്റെ രോഗലക്ഷണങ്ങളെ ഒറ്റപ്പെടലില് ഉണ്ടാകുന്ന അസ്വസ്ഥതകളായി കണക്കാക്കിയെന്ന് പ്രമുഖ എഴുത്തുകാരന് ഡോ. പോള് ജെറാര്ഡ് ഫിര്ത്ത് അഭിപ്രായപ്പെടുന്നു.
'ഞങ്ങള് മറ്റ് പര്യവേക്ഷകരെയും മറ്റ് ആദ്യകാല പര്യവേഷണങ്ങളിലെ അംഗങ്ങളെയും പരിശോധിച്ചു, ചിലര്ക്ക് സമാന ലക്ഷണങ്ങളുണ്ടെന്ന് കണ്ടെത്തി. അതായത്, കടുത്ത ശ്വാസോച്ഛ്വാസം, ന്യൂറോപ്പതി, വല്ലാത്ത അസഹിഷ്ണുത എന്നിവ ഉണ്ടായിരുന്നു. ഇത് ഷാക്കിള്ട്ടണിന് സമാനമായതായിരുന്നുവേ്രത,' അദ്ദേഹം പറഞ്ഞു. ബെരിബെറി എന്ന അവസ്ഥയാണ് ഈ ലക്ഷണങ്ങള്ക്ക് കാരണമായതെന്ന് അദ്ദേഹം കൂട്ടിച്ചേര്ത്തു, സിംഹള പദത്തില് നിന്ന് 'അങ്ങേയറ്റത്തെ ബലഹീനത' എന്നാണ് ഇതിന്റെ പേര്. ഇതൊരു പോഷകക്കുറവിനാല് അനുഭവപ്പെടുന്ന രോഗമാണെന്നു കരുതുന്നു. 'പോഷക രോഗങ്ങളെക്കുറിച്ച് ഇപ്പോള് നമുക്കറിയാവുന്നതിനാല് ഇതിനെ ബെറിബെറി ഇന്ഡ്യൂസ്ഡ് കാര്ഡിയോമിയോപ്പതി എന്നു വിളിക്കുന്നു. അതായത്, ഹൃദയപേശികളിലെ ഒരു രോഗം, ഹൃദയം രക്തം പമ്പ് ചെയ്യുന്നത് ബുദ്ധിമുട്ടാക്കുന്നതാണ് ഇതിന്റെ ശരിയായ രോഗനിര്ണയമാണെന്ന് അദ്ദേഹം കൂട്ടിച്ചേര്ത്തു.
1901 മുതല് അന്റാര്ട്ടിക്കയിലേക്കുള്ള ഷാക്കില്ട്ടണിന്റെ ആദ്യ യാത്രയിലെ രണ്ട് ഡോക്ടര്മാരില് ഒരാളായ എഡ്വേര്ഡ് വില്സണ് അദ്ദേഹത്തിന് ബെറിബെറിയെ സംശയിച്ചിരിക്കാമെന്ന് ഗവേഷകര് മനസ്സിലാക്കി. പര്യവേക്ഷകന് ഗുരുതരമായ അസുഖം ബാധിക്കുകയും ദക്ഷിണധ്രുവത്തോട് അടുത്ത് യാത്ര ചെയ്തതിനു ശേഷം നാട്ടിലേക്ക് മടങ്ങുകയും ചെയ്തു. എന്നാല്, അദ്ദേഹത്തിന്റെ ഡോക്ടറായ വില്സണ് ബെറിബെറി രോഗനിര്ണയത്തെക്കുറിച്ച് തീര്പ്പുകല്പ്പിച്ചിട്ടില്ല, കാരണം ഈ അവസ്ഥയെക്കുറിച്ച് വളരെക്കുറച്ചേ അന്ന് അറിയാമായിരുന്നുള്ളു.
1901 മുതല് 1903 വരെയുള്ള ബ്രിട്ടീഷ് 'ഡിസ്കവറി' പര്യവേഷണത്തില് അനുഭവപ്പെട്ട അങ്ങേയറ്റത്തെ ശ്വാസതടസ്സം, ശാരീരിക ബലഹീനത എന്നിവയുടെ ആഘാതം ഹൃദ്രോഗമാണെന്ന് ആരോപിക്കപ്പെടുന്നു. വൈറ്റമിന് സി യുടെ കുറവ് അദ്ദേഹത്തിന്റെ ശ്വസനത്തിന് തടസ്സമുണ്ടാക്കിയതായി കാണപ്പെട്ടു, 'ഫിര്ത്ത് പറയുന്നു. ശ്വാസതടസ്സം ആരംഭിക്കുമ്പോള് ഷാക്കിള്ട്ടന് സ്കാര്വിയുടെ ലക്ഷണങ്ങളുണ്ടായിരുന്നു. ആദ്യകാല പര്യവേക്ഷകരില് കണ്ട ബെറിബെറിയുടെ പല ലക്ഷണങ്ങളും മൂന്ന് മാസത്തിന് ശേഷം വികസിച്ചു, 'എംജിഎച്ചിലെ സെന്റര് ഫോര് പീഡിയാട്രിക് ന്യൂട്രീഷന് ഡയറക്ടര് ലോറന് ഫിക്റ്റ്നര് വിശദീകരിക്കുന്നു.
ശീതകാല പര്യവേക്ഷണങ്ങളുടെ കഠിനമായ മാസങ്ങളില് അവര് അനുഭവിച്ച തയാമിന് കുറവുള്ള ഭക്ഷണവുമായിരിക്കാം ഇതിനു കാരണം. ദൗര്ഭാഗ്യവശാല്, വിറ്റാമിന് ബി 1 സപ്ലിമെന്റുകള് ഉപയോഗിച്ച് തയാമിന് മാറ്റിസ്ഥാപിക്കുന്നത് ഈ കുറവ് പരിഹരിക്കാന് കഴിയും, ആ സമയത്ത് അത് അറിയില്ലായിരുന്നു. '
1914 ല് ദക്ഷിണധ്രുവത്തിലെത്താനുള്ള മൂന്നാമത്തെ ശ്രമം ആരംഭിക്കുന്നതില് നിന്ന് ഷാക്കിള്ട്ടണ് തടയാന് കടുത്ത ആരോഗ്യ വെല്ലുവിളികള്ക്കു പോലും കഴിഞ്ഞില്ല. അദ്ദേഹത്തിന്റെ കപ്പല് മഞ്ഞുമലയില് കുടുങ്ങി. ഇതിലുണ്ടായിരുന്ന എല്ലാ 28 ക്രൂമെന്മാരും രണ്ട് വര്ഷത്തിന് ശേഷം സുരക്ഷിതമായി കരയിലെത്തി. തുടര്ന്ന്,
1921 ന്റെ അവസാനത്തില്, ധീരനായ ഈ പര്യവേക്ഷകന് തന്റെ നാലാമത്തെ പര്യവേഷണം ആരംഭിച്ചു, പക്ഷേ 1922 ജനുവരി 5 ന് ഹൃദയാഘാതത്തെ തുടര്ന്ന് 47 ആം വയസ്സില് കപ്പലില് വച്ച് അദ്ദേഹം മരിച്ചു. 'ഏണസ്റ്റ് ഷാക്കിള്ട്ടന്റെ ആരോഗ്യത്തെക്കുറിച്ച് അന്നു മുതല് തന്നെ സജീവമായ പഠനങ്ങള് നടക്കുന്നു. അദ്ദേഹത്തിന്റെ നാലാമത്തെയും അവസാനത്തെയും പര്യവേഷണം ആരംഭിച്ച് ഏകദേശം 100 വര്ഷത്തിനുശേഷവും അതു തുടരുന്നു. എന്നാല് ധ്രുവപ്രദേശത്തുള്ളവരെ ബാധിക്കുന്ന ബെറിബെറി എന്ന കഠിനമായ രോഗമായിരുന്നു അതെന്ന് ഇന്നും സ്ഥിരീകരണമുണ്ടായിട്ടില്ല.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
