ആറടിയില്‍ ആറാടി; ഓവറിലെ ആറ് പന്തിലും രവീന്ദ്ര ജഡേജക്ക് സിക്സര്‍
അഹമ്മദാബാദ്: ഇന്ത്യന്‍ ടീമില്‍ തിരിച്ചെത്താന്‍ അവസരം കാത്തിരിക്കുകയാണ് സ്പിന്നര്‍ രവീന്ദ്ര ജഡേജ. കഴിഞ്ഞ ജൂലൈയില്‍ വെസ്റ്റ് ഇന്‍ഡീസിനെതിരായ ടി20 മത്സരത്തിലാണ് ജഡു അവസാനമായി കളിച്ചത്. എന്നാല്‍ ഓവറിലെ ആറ് പന്തും സിക്സടിച്ച് ഫോമിലേക്ക് തിരിച്ചെത്തിയിരിക്കുകയാണ് ഇപ്പോള്‍ ഓള്‍ റൗണ്ടര്‍ രവീന്ദ്ര ജഡേജ.
സൗരാഷ്ട്ര ക്രിക്കറ്റ് അസോസിയേഷന്‍ സംഘടിപ്പിച്ച ഇന്‍റര്‍ ജില്ലാ ചാമ്പ്യന്‍ഷിപ്പില്‍ അമരേലിക്കെതിരെയാണ് ജംനഗര്‍ താരമായ ജഡേജ തകര്‍പ്പനടി. 15-ാം ഓവറില്‍ ഓഫ് സ്പിന്നര്‍ നിലാം വംജയാണ് ജഡേജയുടെ സംഹാര താണ്ഡവത്തിന് ഇരയായത്. മത്സരത്തില്‍ വെറും 69 പന്തില്‍ നിന്ന് 154 റണ്‍സ് ജഡു അടിച്ചെടുത്തു.
Last Updated Oct 4, 2018, 11:28 PM IST
