ഏറെ ആരാധകരുള്ള ക്രിക്കറ്റ് താരമാണ് വിരാട് കൊഹ്ലിയെങ്കിലും പലപ്പോഴും താരം ട്രോളർമാരുടെ ഇരയാകാറുണ്ട്. എന്നാൽ താരത്തെ പരിഹസിച്ച ആസ്ട്രേലിയൻ മാധ്യമ പ്രവർത്തകന് ട്വിറ്ററിൽ കൊഹ്ലി ആരാധകരിൽ നിന്ന് കണക്കിന് പണി കിട്ടി. ഞെട്ടലോടെ നിൽക്കുന്ന കൊഹ്ലിയുടെ ഫോട്ടോ സഹിതമായിരുന്നു ജേണലിസ്റ്റ് ഡെന്നീസ് ഫ്രീഡ്മാന്റെ ട്വിറ്റർ പോസ്റ്റ്.
ബാറ്റ് ചെയ്യാൻ ഇറങ്ങിവരുമ്പോള് ബാളുമായി നിൽക്കുന്ന ആമിറിനെ കണ്ട കൊഹ്ലി എന്ന രീതിയിൽ പരിഹസിച്ചുകൊണ്ടുള്ള അടിക്കുറിപ്പോടെയായിരുന്നു പോസ്റ്റ്. ഹാസ്യാത്മക അധിക്ഷേപം ആണെങ്കിലും ഫ്രീഡം അങ്ങനെ ‘ഫ്രീ’ ആയിട്ട് വിടേണ്ടെന്ന് കൊഹ്ലി ആരാധകർ തീരുമാനിച്ചുകാണും. അതിരൂക്ഷ പരാമർശവുമായി ആരാധകർ മാധ്യമപ്രവർത്തകനെതിരെ രംഗത്ത് വന്നു.
ഇന്ത്യയെ ലോകകപ്പിൽ ഒാരോ തവണ നേരിടുമ്പോഴുള്ള പ്രതികരണം ആണിതെന്നായിരുന്നു ഒരാളുടെ മുനവെച്ചുള്ള മറുപടി. കൊഹ്ലി ബാറ്റ് ചെയ്യാൻ വരുേമ്പാൾ ഇയാൾക്കെതിരെ ഏത് പന്ത് എറിയണമെന്ന് ആസ്ട്രേലിയൻ താരങ്ങൾക്ക് അറിയില്ല ,പാവം ഒാസിസ് എന്നായിരുന്നു ഒരാളുടെ പ്രതികരണം. പ്രതികരണങ്ങളുടെ വേലിയേറ്റമാണ് പിന്നീട് ജേണലിസ്റ്റ് നേരിട്ടത്.
