Asianet News MalayalamAsianet News Malayalam

ഓസ്‌ട്രേലിയന്‍ ഓപ്പണില്‍ നാടകീയ ദിനം; കെര്‍ബറും ഷറപ്പോവയും പുറത്ത്

ഓസ്ട്രേലിയൻ ഓപ്പൺ വനിതാ വിഭാഗത്തിൽ മരിയ ഷറപ്പോവ പ്രീ ക്വാർട്ടറിൽ പുറത്ത്. ലോക രണ്ടാം നമ്പർ താരം ഏഞ്ചലിക് കെർബറും പുറത്തായി. 

Australian Open 2019 Ash Barty beat Maria Sharapova
Author
Melbourne VIC, First Published Jan 20, 2019, 10:34 AM IST

മെല്‍ബണ്‍: ഓസ്ട്രേലിയൻ ഓപ്പൺ വനിതാ വിഭാഗത്തിൽ മരിയ ഷറപ്പോവ പ്രീ ക്വാർട്ടറിൽ പുറത്ത്. ആഷ്‍ലീഗ് ബാർട്ടി ഒന്നിനെതിരെ രണ്ട് സെറ്റുകള്‍ക്ക് വിജയിച്ചു. ആദ്യ സെറ്റ് കൈവിട്ടശേഷം ശക്തമായി തിരിച്ചെത്തി 22കാരിയായ ബാര്‍ട്ടി അഞ്ച് തവണ ഗ്രാന്‍ഡ്‌സ്ലാം ചാമ്പ്യയായ ഷറപ്പോവയെ ഞെട്ടിക്കുകയായിരുന്നു. സ്‌കോര്‍ 4-6, 6-1, 6-4

ബാർട്ടി ക്വാർട്ടറിൽ പെട്ര ക്വിറ്റോവയെ നേരിടും. ക്വിറ്റോവ പ്രീക്വാർട്ടറിൽ നേരിട്ടുള്ള സെറ്റുകൾക്ക് അമാൻഡ അനിസിമോവയെ തോൽപിച്ചു. സ്കോർ 6-2, 6-1.

ലോക രണ്ടാം നമ്പർ താരം ഏഞ്ചലിക് കെർബറും പുറത്തായി. ലോക റാങ്കിംഗിൽ മുപ്പത്തിയഞ്ചാം സ്ഥാനക്കാരിയായ ഡാനിയേല കോളിൻസാണ് കെർബറെ തോൽപിച്ചത്. വിംബിൾ‍ൺ ചാമ്പ്യനായ കെർബറിന് മത്സരത്തിൽ രണ്ട് പോയിന്‍റ് നേടാനേ കഴിഞ്ഞുള്ളൂ. സ്കോർ 6-0, 6-2. ആദ്യമായാണ് അമേരിക്കൻ താരമായ കോളിൻസ് ഓസ്ട്രേലിയൻ ഓപ്പണിന്‍റെ ക്വാർട്ടറിലെത്തുന്നത്.

Follow Us:
Download App:
  • android
  • ios