ക്രിസ്റ്റ്യാനോയുടെ വണ്ടര് ഗോളിലും യുവന്റസിന് ആദ്യ തോല്വി; അവസാന നിമിഷം കളി കൈക്കലാക്കി യുണൈറ്റഡ്
ക്രിസ്റ്റ്യാനോ റൊണാള്ഡോയുടെ വണ്ടര് വോളിയില് മുന്നിലെത്തിയ യുവന്റസിനെ അവസാന നിമിഷം തളച്ച് യുണൈറ്റഡിന്റെ വമ്പന് തിരിച്ചുവരവ്. ചാമ്പ്യന്സ് ലീഗ് സീസണില് യുവന്റസിന്റെ ആദ്യ തോല്വി...
ടൂറിന്: ചാമ്പ്യന്സ് ലീഗില് ഇറ്റാലിയന് ക്ലബ് യുവന്റസിന് ആദ്യ തോല്വി. യുവന്റസിന്റെ മൈതാനത്ത് ഒരു ഗോളിന് പിന്നിട്ടുനിന്നശേഷം രണ്ടുഗോള് തിരിച്ചടിച്ച് മാഞ്ചസ്റ്റര് യുണൈറ്റഡ് വിജയക്കൊടി പാറിച്ചു. ഗോള്രഹിതമായിരുന്ന ആദ്യ പകുതിക്ക് ശേഷം 65-ാം മിനുറ്റില് ബെനൂച്ചിയുടെ ലോംഗ് പാസില് ക്രിസ്റ്റ്യാനോ റൊണാള്ഡോയുടെ വണ്ടര് വോളിയില് യുവന്റസ് മുന്നിലെത്തിയിരുന്നു.
Massive win for us to take into the weekend. Goodnight Turin ⚽🌙 #UCL pic.twitter.com/xrnPVoRM33
— Marcus Rashford (@MarcusRashford) November 7, 2018
എന്നാല് അവസാന നിമിഷം പിറന്ന രണ്ട് ഗോളില് യുവന്റസിനെ സ്വന്തം മൈതാനത്ത് യുണൈറ്റഡ് മറിച്ചിടുകയായിരുന്നു. മനോഹരമായ ഫ്രീ കിക്കില്നിന്ന് 86-ാം മിനുറ്റില് സ്പാനിഷ് താരം മാറ്റ യുണൈറ്റഡിന് ലീഡ് നേടിക്കൊടുത്തു. മൂന്നു മിനുറ്റുകളുടെ ഇടവേളയില് യുവന്റസ് പ്രതിരോധതാരം അലക്സ് സാന്റോയുടെ പിഴവില് നിന്നുള്ള സെല്ഫ് ഗോളില് യുണൈറ്റഡ് വിജയഗോള് കണ്ടെത്തുകയായിരുന്നു. ആഷ്ലിയുടെ ഫ്രീകിക്കാണ് ഗോളിലേക്ക് വഴിതുറന്നത്.
Big Big Win 🙏🏾🔥 We March On ☝🏾#MUFC #UCL pic.twitter.com/9PvF0sz2cw
— Jesse Lingard (@JesseLingard) November 7, 2018
സീസണിലെ ആദ്യ പരാജയം നേരിട്ടെങ്കിലും ഒമ്പത് പോയിന്റുള്ള യുവന്റസ് തന്നെയാണ് ഗ്രൂപ്പി എച്ചില് ഒന്നാമത്. എന്നാല് ജയത്തോടെ ഏഴു പോയിന്റുമായി രണ്ടാം സ്ഥാനത്തേക്കുയരാന് യുണൈറ്റഡിനായി.
WHAT. A. WIN. 💥💪🔴 @ManUtd @ChampionsLeague #UCL #MUFC pic.twitter.com/sq1DEhDo77
— Juan Mata García (@juanmata8) November 7, 2018