ജോഫ്ര ആര്ച്ചര് ഇംഗ്ലണ്ട് ടീമിലുണ്ടാകുമോ..? മറുപടിയുമായി മോര്ഗന്
ജോഫ്ര ആര്ച്ചര് ജേഴ്സിയില് കളിക്കുന്ന കാര്യത്തില് ഉടന് തീരുമാനമെടുക്കുമെന്ന് ഇംഗ്ലണ്ട് നായകന് ഒായിന് മോര്ഗന്. ജോഫ്ര ഇംഗ്ലണ്ടിനായി ലോകകപ്പ് കളിക്കുമോ എന്ന ചോദ്യത്തിനുള്ള ഉത്തരം നല്കുകയായിരുന്നു മോര്ഗന്.
ലണ്ടന്: ജോഫ്ര ആര്ച്ചര് ജേഴ്സിയില് കളിക്കുന്ന കാര്യത്തില് ഉടന് തീരുമാനമെടുക്കുമെന്ന് ഇംഗ്ലണ്ട് നായകന് ഓയിന് മോര്ഗന്. ജോഫ്ര ഇംഗ്ലണ്ടിനായി ലോകകപ്പ് കളിക്കുമോ എന്ന ചോദ്യത്തിനുള്ള ഉത്തരം നല്കുകയായിരുന്നു മോര്ഗന്. മറ്റു വശങ്ങള് കൂടി കണക്കിലെടുത്ത ശേഷമായിരിക്കും താരത്തെ പരിഗണിക്കുക എന്ന് മോര്ഗന് പറഞ്ഞു.
മോര്ഗന് തുടര്ന്നു... പ്രതിഭയാണ് ആര്ച്ചര്. ചെറിയ പ്രായത്തില് തന്നെ വിവിധ രാജ്യങ്ങളിലെ ലീഗില് കളിച്ച് കഴിവ് തെളിയിച്ചു. താരം ലോകകപ്പില് ഇംഗ്ലണ്ടിന് വേണ്ടി കളിക്കുമോ എന്നുള്ള കാര്യത്തില് ടീം മാനേജ്മെന്റ് തീരുമാനമെടുക്കും.
ഡത്ത് ഓവറുകള് എറിയാനുള്ള മിടുക്കും പേസുമാണ് ബാര്ബഡോസില് ജനിച്ച ജോഫ്രയെ വ്യത്യസ്ഥനാക്കുന്നത്. മാര്ക്ക് വുഡ്, ലിയാം പ്ലങ്കറ്റ് എന്നിവര്ക്കൊപ്പം ആര്ച്ചറും ടീമില് കേറുമെന്നാണ് ഇംഗ്ലീഷ് ക്രിക്കറ്റ് ലോകം കരുതുന്നത്.