പോളിന് പിന്‍ഗാമി; ലോകകപ്പ് പ്രവചിക്കാന്‍ അക്കില്ലസ്
- പോള്‍ നീരാളിയെ ഓര്‍മ്മയില്ലെ, 2010ലെ ലോകകപ്പിൽ പോൾ എന്ന നീരാളിയായിരുന്നു പ്രവചനം നടത്തിയത്
മോസ്കോ: പോള്‍ നീരാളിയെ ഓര്‍മ്മയില്ലെ, 2010ലെ ലോകകപ്പിൽ പോൾ എന്ന നീരാളിയായിരുന്നു പ്രവചനം നടത്തിയത്. പലതും വളരെ കൃത്യമായിരുന്നു. അതിന് ശേഷം പോളിന് ഏറെ പിന്‍ഗാമികള്‍ ഉണ്ടായിട്ടുണ്ട്. ഇപ്പോള്‍ ഇതാ റഷ്യയില്‍ ഈ വര്‍ഷം ജൂണ്‍ മാസം മുതല്‍ തുടങ്ങുന്ന ലോകകപ്പ് പ്രവചിക്കാന്‍ ഒരാള്‍ റെഡിയായിരിക്കുന്നു.
അക്കില്ലസ് എന്നാണ് ഈ റഷ്യൻ പൂച്ചയാണ് കക്ഷി. മോസ്കോയിലെ സ്റ്റേറ്റ് ഹെർമിറ്റേജ് മ്യൂസിയത്തിലെ അന്തേവാസിയായിരുന്നു കക്ഷി. അടുത്തിടെ ഫേസ്മസായ റെസ്പബ്ലിക്ക കൊഷെക് ക്യാറ്റ് കഫേയിലേക്ക് പൂച്ചയെ മാറ്റിയിട്ടുണ്ട്.
2018 ഫിഫ ലോകകപ്പ് മത്സരങ്ങളുടെ ഫലം ദേശീയ പതാകകൾക്കു കീഴിൽ വച്ചിരിക്കുന്ന ബൗൾ തെരഞ്ഞെടുത്താണ് അക്കില്ലസ് പ്രവചിക്കുക. റഷ്യയിൽ നടന്ന 2017 ഫിഫ കോണ്ഫെഡറേഷൻ കപ്പിൽ അക്കില്ല‌സിന്‍റെ പ്രവചനം നൂറു ശതമാനം ശരിയായിരുന്നു.
