സാഹയുടെ ഈ സാഹസിക ക്യാച്ച് കണ്ടാല്‍ ആരാധകര്‍ ചുറ്റും കൂടുമെന്നുറപ്പ്
ജയ്പൂര്: ഇന്ത്യന് ക്രിക്കറ്റിലെ മികച്ച വിക്കറ്റ് കീപ്പര് എന്ന വിശേഷണം പലകുറി നേടിയിട്ടുള്ള താരമാണ് വൃദ്ധിമാന് സാഹ. മികച്ച ക്യാച്ചുകളെടുക്കാനുള്ള കഴിവാണ് സാഹയെ ധോണിയെക്കാള് ഒരുപടി മുമ്പില് നിര്ത്തുന്നത്. ഐപിഎല്ലിലും തന്റെ പ്രതിഭ വരച്ചുകാട്ടുകയാണ് ഈ സണ്റൈസേഴ്സ് ഹൈദരാബാദ് താരം. രാജസ്ഥാന് റോയല്സിനെതിരെയുള്ള സാഹയുടെ സാഹസിക ക്യാച്ച് കണ്ടാല് ആരാധകര് ചുറ്റും കൂടുമെന്നുറപ്പ്.
രാജസ്ഥാന് ഇന്നിംഗ്സിലെ 19-ാം ഓവറിലാണ് സാഹയുടെ പറക്കും ക്യാച്ച് ആരാധകര്ക്ക് കാണാനായത്. വിജയിക്കാന് 11 പന്തില് 24 റണ്സ് എന്ന നിലയിലായിരുന്നു ഈ സമയം രാജസ്ഥാന്. എന്നാല് സിദ്ധാര്ത്ഥ് കൗള് എറിഞ്ഞ രണ്ടാം പന്തില് ബാറ്റ് വെച്ച ലോംറോറിന് പിഴച്ചു. ബാറ്റിലുരസിയെ പന്ത് ഇടത്തോട്ട് പറന്ന് സാഹ സാഹസികമായി പിടിച്ചു. രാജസ്ഥാന്റെ പരാജയത്തില് നിര്ണായമായ വിക്കറ്റുകളിലൊന്നായിരുന്നു ഇത്.
