കൊച്ചി: ഡിസംബര് 31 ന് കൊച്ചിയില് നടക്കാനിരിക്കുന്ന ഐഎസ്എല് മത്സരം മാറ്റിവയ്ക്കാനാകില്ലെന്ന് സംഘാടകര് പൊലീസിനെ അറിയിച്ചു. സുരക്ഷാകാരണങ്ങളാല് മത്സരം മാറ്റിവയ്ക്കണമെന്ന് പൊലീസ് കേരള ബ്ലാസ്റ്റേഴ്സ് മാനേജ്മെന്റിനോടാണ് ആവശ്യപ്പെട്ടിരുന്നു.
പുതുവത്സരാഘോഷത്തിനിടെ മത്സരം സംഘടിപ്പിക്കുന്നത് ബുദ്ധിമുട്ടാകുമെന്നായിരുന്നു പൊലീസ് അറിയിച്ചത്. കേരള ബ്ലാസ്റ്റേഴ്സ് - ബെംഗളൂരു എഫ്സിയും കേരള ബ്ലാസ്റ്റേഴ്സും തമ്മിലുള്ള മത്സരം മാറ്റണമെന്നായിരുന്നു പൊലീസിന്റെ ആവശ്യം. പുതുവര്ഷമായതിനാല് കൂടുതല് സേനയെ സംസ്ഥാനത്തിന്റെ വിവിധ ഭാഗങ്ങളില് വിന്യസിക്കേണ്ടിവരും. അതിനാല് മല്സരം നടക്കുന്ന സ്റ്റേഡിയത്തിനുള്ളില് ആവശ്യത്തിനു പൊലീസിനെ നിയോഗിക്കാന് സാധിക്കില്ലെന്നായിരുന്നു പൊലീസ് അറിയിച്ചത്.
